ԱՄՆ-ն հայտարարում է, որ 1957 թվականին սկսված տիեզերական մրցավազքում առաջնորդ է, սակայն տիեզերական մրցավազքն ավարտված չէ, այն նոր է սկսվել, գրում է The Hills-ը։
«ԱՄՆ-ն շարունակում է մնալ տիեզերքում անվերապահ առաջատարը, բայց հեռու չէ Չինաստանին ու Ռուսաստանին զիջելու վտանգը։ Չինաստանը արագ առաջ է շարժվում իր Տյանգուն տիեզերակայանով, իսկ Ռուսաստանը վերջերս հայտարարեց Միջազգային տիեզերակայանից (ՄՏԿ) հրաժարվելու իր մտադրության մասին։ 2011 թվականից ԱՄՆ-ն օգտագործում է ռուսական «Սոյուզ» տիեզերանավերը տիեզերագնացներին ՄՏԿ հասցնելու համար։ Հարաբերությունների այս խզումը ստիպում է ԱՄՆ-ին ապավինել մասնավոր առեւտրային գործընկերներին, ինչպիսիք են SpaceX-ը, որը NASA-ի համար տիեզերագնացների չորս առաքելություն է կատարել։
ՄՏԿ-ի սկզբնական նպատակը, որը ստեղծվել է 1998 թվականին, եղել է գիտական հետազոտությունների եւ այլ գործունեության աջակցությունը, որոնք պահանջում են տիեզերքում մարդու յուրահատուկ որակներ: Սակայն ՄՏԿ-ն ուղեծրում գտնվելու 20 տարիների ընթացքում այն դարձել է տիեզերքում ԱՄՆ-ի ներկայության այցեքարտը եւ օրինակն այն բանի, թե ինչին կարելի է հասնել առեւտրային եւ միջազգային գործընկերության հաշվին»,-գրում է թերթը։