Հոնկոնգի ամենամյա World Cuisine Expo-ի այցելուներին չի թույլատրվի դելիկատեսներ համտեսել՝ կորոնավիրուսի հետ կապված սահմանափակումների պատճառով: Հաջորդ հինգշաբթի քաղաքի ցուցահանդեսային կենտրոնում մեկնարկող հնգօրյա Food Expo-ին տասնյակ հազարավոր այցելուներ եւ հարյուրավոր ցուցահանդեսներ են սպասվում , հաղորդում է AFP-ն:

Բայց արդեն երկրորդ տարին անընդմեջ համտեսի հարթակներ չեն լինի, եւ բոլոր այցելուները սահմանափակումների պատճառով պետք է դիմակ կրեն։ «Մենք հասկանում ենք, որ այցելուները կցանկանային փորձել նմուշները»,- հայտարարել է Առեւտրի զարգացման խորհրդի գործադիր տնօրենի պաշտոնակատար եւ ցուցահանդեսի կազմակերպիչ Սոֆի Չոնգը։ «Մենք հուսով ենք, որ կկարողանանք վերսկսել դա համավարակից հետո, երբ դա ապահով եւ հիգիենիկ կլինի»:

Հոնկոնգը խստորեն հետեւում է Չինաստանի՝ COVID-19-ի քաղաքականությանը՝ ավելի քան երկու տարի իրականացնելով աշխարհի ամենախիստ սահմանափակումները, այդ թվում՝ միջազգային ժամանողների համար պարտադիր կարանտին եւ հասարակական վայրերում չորսից ավել մարդկանց խմբակային հավաքների արգելք։

Քաղաքում վերջին շաբաթների ընթացքում ամեն օր 3-ից 4000 վարակման դեպք է գրանցվում ինչը երկրորդ բռնկման հետ կապված մտավախություններ է առաջացնում։