Արտաքին գործերի նախարարության շենքի դիմաց այսօր՝ օգոստոսի 3-ին, սփյուռքահայերի՝ Հայաստան մուտք գործելու արգելքից դեմ իրականցվող բողոքի ակցիայի ավարտից հետո մասնակիցները տարբեր գրություններով պաստառներ թողեցին շենքի առաջ։

Պաստառների վրա մասնավորապես գրված էր՝ «Հայաստանը քո տունը չի», «Հայի առաջ երկիր փակող, թուրքի առաջ բացող դավաճան», «Անցանկալին իշխանությունն է, ոչ թե սփյուռքի հայությունը», «Միայն Նիկոլն ու Ալիեւն ունեն սեւ ցուցակ» եւ այլն։

Հիշեցնենք, որ ՀՅԴ Հայաստանի երիտասարդական միությունը բողոքի ակցիա է կազմակերպել Հայաստանի ԱԳՆ-ի դիմաց՝ ընդդեմ սփյուռքահայերի Հայաստան մուտք գործելու ապօրինի արգելքի:

Վերջին օրերին երեք սփյուռքահայ դաշնակցական գործիչների՝ ՀՅԴ Բյուրոյի անդամ, Ֆրանսիայի հայկական կազմակերպությունների համակարգող Մուրադ Փափազյանին, ՀՅԴ Նիդեռլանդների Հայ Դատի ատենապետ Մասիս Աբրահամյանին եւ «Գարեգին Նժդեհ» երիտասարդական միության անդամ Սյունե Աբրահամյանին թույլ չի տրվել մուտք գործել Հայաստան։