Չինաստանում ջերմաստիճանն աշխարհում միջին մակարդակից ավելի արագ է բարձրանում եւ ապագայում «զգալիորեն բարձր» կմնա, քանի որ կլիմայի փոփոխության հետ կապված մտահոգությունները մեծանում են, հաղորդում է Reuters-ը:
Կլիմայի տարեկան գնահատման մեջ Չինաստանի Եղանակային բյուրոն երկիրը նկարագրել է որպես «գլոբալ կլիմայի փոփոխության նկատմամբ զգայուն տարածաշրջան», որի ջերմաստիճանը 1951 թվականից ի վեր բարձրանում է 0,26 աստիճանով մեկ տասնամյակի ընթացքում՝ համեմատած 0,15 աստիճանի համաշխարհային միջինի հետ:
Ծայրահեղ եղանակային պայմանները հանգեցրել են վերջին շաբաթներին ավերածությունների։ Երկարատեւ շոգի պատճառով ամբողջ աշխարհում երաշտներ եւ անտառային հրդեհներ են բռնկվել։
ՄԱԿ-ի գլխավոր քարտուղար Անտոնիո Գուտերեշը նախազգուշացրել է, որ «ոչ մի ժողովուրդ ապահովագրված չէ» կլիմայի փոփոխությունից եւ ասել է, որ աշխարհն այժմ պետք է ընտրություն կատարի «կոլեկտիվ գործողությունների կամ կոլեկտիվ ինքնասպանության» միջեւ:
