Անգլիայի ազգային ֆիզիկայի լաբորատորիայի գիտնականներն այս ամռանը երկու անգամ գրանցել են, թե ինչպես է Երկրն իր առանցքի շուրջ երկու անգամ ավելի արագ պտտվում օրվա ընթացքում՝ քան սահմանված սիդեալի օրը, որը հավասար է 23 ժամ 56 րոպե 4 վայրկյանի: Պտտման արագությունն այս օրերին մեծացել է։ Գիտնականները այս մասին բազմաթիվ վարկածներ են թվարկել, սակայն հստակ բացատրություն դեռ չկա, գրել է HighTech+ լրատվականը։
Այս տարվա հունիսի 29-ին Երկրի ամբողջական պտույտն իր առանցքի շուրջ տեղի է ունեցել սովորականից 1,59 միլիվայրկյան ավելի արագ։ Այս օրը ամենակարճն է եղել 1960-ականներից ի վեր, երբ գիտնականները սկսել են օգտագործել ատոմային ժամացույցներ՝ ժամանակը չափելու համար: Երկրորդ նման դեպքը տեղի է ունեցել հուլիսի 26-ին. այս անգամ տարբերությունը կազմել է 1,50 միլիվարկյան:
Ստեղծվել է մեծ հեռավորությունների վրա էներգիայի անլար փոխանցման տեխնոլոգիա:
Այս երեւույթի պատճառը Երկրի ավելի արագ պտույտն է, սակայն դրա պատճառը գիտնականները ասել չեն կարող: Phys.org-ը նշել է գիտնականների առաջ քաշած վարկածները.
• Կլիմայի կամ կլիմայական համակարգերի փոփոխություններ, օրինակ՝ սառցադաշտերի հալում կամ սառցակալում, քամիներ, որոնք ազդում են Երկրի զանգվածի բաշխման վրա
• Երկրաշարժեր եւ այլ սեյսմիկ ակտիվություն, որը փոխում է նաեւ մոլորակի զանգվածի բաշխումը
• Իմպուլս Երկրի հալած միջուկում
• Օվկիանոսի շրջանառությունը եւ ճնշումը ծովի հատակին, որը փոխում է Երկրի առանցքը
Այսպես կոչված Չենդլերի տատանումները՝ երկրագնդի առանցքի բնական տատանումներն են, որոնք առաջանում են այն պատճառով, որ մեր մոլորակը կատարյալ գնդաձեւ չէ:
Որոշ գիտնականներ կարծում են, որ մենք ավելի կարճ օրերի մի նոր շրջանի շեմին ենք։ Այնուամենայնիվ, տարբերությունը դեռեւս շատ փոքր է:
