Ֆրանսիայում Մոնբլանի գագաթ հայտնի արահետով հասնելու փորձ կատարող լեռնագնացները ստիպված կլինեն 15 հազար եվրոյի չափով կանխավճար վճարել՝ փրկության կամ հուղարկավորության ծախսերը հոգալու համար, գրում է The Guardian-ը։

Ժան-Մարկ Պեյլեքսը՝ Սեն-Ժերվեյ-լե-Բեն քաղաքի քաղաքապետը, որտեղից ալպինիստները Գուտե երթուղով կարող են հասնել Արեւմտյան Եվրոպայի ամենաբարձր գագաթին, սահմանել է այդ միջոցը՝ ի պատասխան տասնյակ մարդկանց, ովքեր անտեսում էին նախազգուշացումները եւ մասնակցում այդ վտանգավոր «ռուսական ռուլետկային»։

10.000 եվրոն կծածկի փրկության ծախսերը, իսկ 5.000 եվրոն՝ հուղարկավորության:

Տեղացի զբոսավարները հուլիսի կեսերին առատ քարաթափման պատճառով դադարեցրել են աշխատանքը երթուղու վրա, որը հասանելի է բոլոր մակարդակների ալպինիստների համար, իսկ տեղական իշխանությունները հրահանգել են խուսափել գագաթը բարձրանալուց: Սաստիկ շոգն էլ ավելի վտանգավոր է դարձրել պայմանները լեռան վրա։

Նրա խոսքով՝ անընդունելի է, որպեսզի հարկատուները վճարեն էքստրեմալ սպորտի սիրահարների փրկության կամ հուղարկավորության համար։