News
Լրահոս
News
Չորեքշաբթի
Սեպտեմբեր 28
USD
409.82
EUR
394.53
RUB
7.05
Տեսնել լրահոսը

ԱՄՆ Պետքարտուղար Էնթոնի Բլինքենը հայտարարել է, որ երկրի իշխանությունները հավատարիմ են Ֆիլիպինների հետ փոխադարձ պաշտպանության պայմանագրի դրույթներին, գրում է CNN-ը։

Նրա խոսքով՝ Վաշինգտոնը պատրաստ է պաշտպանել Մանիլան՝ Հարավչինական ծովում հանրապետության ուժերի վրա հարձակման դեպքում։

«Ֆիլիպինների զինվորականների, կառավարական նավերի եւ օդանավերի վրա զինված հարձակումը կհանգեցնի այս պայմանագրով ԱՄՆ-ի փոխադարձ պաշտպանության պարտավորություններին: Ֆիլիպինները Միացյալ Նահանգների անփոխարինելի բարեկամն է, գործընկերը եւ դաշնակիցը», - ասել է Բլինքենը՝ Ֆիլիպինների նախագահ Ֆերդինանդ Մարկոս ​​կրտսերի հետ հանդիպումից հետո կայացած մամուլի ասուլիսում:

ԱՄՆ պետքարտուղարի համապատասխան հայտարարությունն արվել է Թայվանի մոտ Չինաստանի լայնածավալ զորավարժությունների պատճառով առաջացած լարվածության աճի ֆոնին։ Պեկինը զորավարժությունները սկսել է ի պատասխան ԱՄՆ-ի Ներկայացուցիչների պալատի խոսնակ Նենսի Փելոսիի՝ առանց ՉԺՀ-ի համաձայնության Թայբեյ կատարած այցի:

Միեւնույն ժամանակ, ինչպես նշում է CNN-ը, Ֆիլիպինների հետ համագործակցությունը կարեւոր դեր ունի ԱՄՆ-ի համար, քանի որ Մանիլան կարելի է անվանել «Վաշինգտոնի եւ Պեկինի աշխարհաքաղաքական առճակատման հենակետ»։ Հեռուստաալիքի տվյալներով՝ Մարկոս ​​կրտսերը երկու երկրների հետ հավասարակշռված համագործակցության բարդ խնդիր ունի։

!
Այս նյութը հասանելի է նաև   English and Русский
Տպել
Ամենաշատ