Ուկրաինայի նախագահ Վոլոդիմիր Զելենսկին նոր` «Ուկրաինայի պաշտպանության համար» մեդալ է սահմանել։ Համապատասխան հրամանագիրը տեղադրված է պետության ղեկավարի պաշտոնական կայքում։
Փաստաթղթի համաձայն՝ տարբերանշանները կշնորհվեն երկրի զինվորական անձնակազմին եւ հետախույզներին, «որոնք ուղղակիորեն ներգրավված են եղել Ուկրաինայի պաշտպանությունն ապահովելու համար անհրաժեշտ միջոցառումների իրականացմանը»։ Կանոնադրությունը նախատեսում է նաեւ մեդալի շնորհում քաղաքացիական անձանց եւ կամավորներին, որոնք «զգալի ներդրում են ունեցել Ուկրաինայի պաշտպանության ամրապնդման գործում»։
