News
Լրահոս
News
Հինգշաբթի
Սեպտեմբեր 29
USD
408.04
EUR
390.29
RUB
6.99
Տեսնել լրահոսը

Վերջին օրերի ադրբեջանական ագրեսիայի ընթացքում մեր զինծառայողները բազմիցս դիմակայել են ադրբեջանական հարձակումներին և սադրանքներին։ Այս մասին իր տելեգրամյան միկրոբլոգում գրել է Արցախի պետ​​նախարար Արտակ Բեգլարյանը։

«Ցավոք, ունենք 2 զոհ եւ 19 վիրավոր՝ հիմնականում անօդաչու թռչող սարքերի հարվածներից։

Խորապես ցավակցում եմ Գուրգեն Գաբրիելյանի եւ Արթուր Խաչատրյանի ընտանիքներին, իսկ վիրավորներին մաղթում եմ շուտափույթ ապաքինում։

Այս դեպքերը եւս մեկ անգամ ապացուցեցին.

1. Արցախի ժողովրդի դիմադրողական ոգին կոտրված չէ, եւ մենք պատրաստ ու ընդունակ ենք ինքնապաշտպանության։

2. Ադրբեջանը շարունակում է հայատյացության եւ պատերազմի քաղաքականությունը՝ բացառելով հայ ժողովրդի գոյությունը առնվազն Արցախում, իսկ ապագայում՝ Հայաստանի Հանրապետությունում։

3. Միջազգային ռազմաքաղաքական երաշխիքներն ու մեխանիզմները, հատկապես այս փխրուն աշխարհակարգում, չեն ապահովում Արցախի ժողովրդի կայուն անվտանգությունը, եւ մենք ստիպված ու պարտավոր ենք անընդհատ բարձրացնել մեր ռազմավարական կայունության մակարդակը։

4. Ադրբեջանի հակահայ քաղաքականության պայմաններում հակամարտության ավարտը տեսանելի չէ, եւ Բաքուն կփորձի աստիճանաբար բարելավել իր ռազմաքաղաքական դիրքերը տարածաշրջանում ու պարբերաբար իրականացվող միջոցներով. սադրանքներ, վիրավորանքներ եւ տարբեր տեսակի ճնշումներ, հասնել Արցախի հայաթափմանը։ Այդ նպատակով Ադրբեջանը կիրառում է տարբեր միջոցներ, այդ թվում.

ա) ուժի կիրառում եւ ուժի սպառնալիք,

բ) սեփական ռազմական հնարավորությունների շարունակական կատարելագործում,

գ) Թուրքիայի ներգրավվածություն տարածաշրջանային հարաբերություններում իր օրակարգի հարցերում,

դ) Արցախի մեկուսացման խորացում,

ե) ադրբեջանական թեզերի եւ շահերի առաջմղում՝ տարածաշրջանում եւ աշխարհում Ադրբեջանի դերի ուժեղացմամբ ու կեղծ տեղեկատվական հոսքերով,

զ) հայության տարբեր մասերի միջեւ պառակտման սերմանում եւ խթանում,

է) հայերի (առաջին հերթին արցախահայերի) մեջ անօգնականության եւ հուսահատության զգացումի սերմանում,

ը) Արցախում կենսական կարեւոր պայմանների վատթարացում եւ խոչընդոտում,

թ) տարածաշրջանում ռուսական խաղաղապահ կոնտինգենտի եւ ընդհանուր առմամբ Ռուսաստանի լծակների ու հնարավորությունների սահմանափակում եւ վարկաբեկում՝ հատկապես հայերի շրջանում:

5. Քանի որ Արցախը բացառիկ նշանակություն ունի Հայաստանի եւ համայն հայության համար, եւ հաշվի առնելով վերը նշված սպառնալիքները, մեր միակ լուծումը Արցախի եւ Հայաստանի ռազմավարական դիմադրության մակարդակի անընդհատ եւ արագ բարձրացումն է՝ հատկապես հետեւյալ ոլորտներում.

ա) կայուն անվտանգություն,

բ) աճող ժողովրդագրական ցուցանիշ,

գ) աճող տնտեսություն,

դ) որակյալ կրթություն,

դ) արդյունավետ կառավարում,

ե) ազգային գաղափարախոսություն,

զ) պրագմատիկ միջազգային հարաբերություններ.

6. Այս ամենին հասնելու համար անհրաժեշտ է ապահովել կայուն եւ գործնական համազգային համախմբում Արցախի հայկական ապագայի եւ հայոց պետականության զարգացման ու հզորացման շուրջ։

7. Եթե կորցնենք Արցախը, կշրջենք հայոց պատմության եթե ոչ վերջին, ապա նախավերջին էջը։

Այս հարցերի եւ հայ ժողովրդի համար Արցախի (Արցախիզմի) բացառիկ կարեւորության ու Արցախի ապագայի համար իմ ավելի մանրամասն մտորումները կներկայացնեմ առաջիկայում հրապարակվելիք ծավալուն հոդվածով»,- գրել է Բեգլարյանը։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Վլադիմիր Վարդանյանը պարզաբանեց խաղաղության պայմանագրի էությունը
Նրա խոսքով՝ Հայաստանի բոլոր նախկին նախագահները հսկայական ժամանակ ունեին ղարաբաղյան հիմնախնդրի կարգավորման ճանապարհով գնալու համար...
Եթե ինչ-որ մեկը ձեռքերը լվանա Արցախից, խնդիրը մնում է․ սա բոլոր քաղաքակիրթ ժողովուրդների խնդիրն է․ Վարդանյան
Ի պատասխան Ռոբերտ Քոչարյանի այն հայտարարության, թե իշխանությունը մտադիր է ապամոնտաժել Արցախում պետական ​​կառույցները, պատգամավորը կոչ արեց ուսումնասիրել վերջին տարիներին Հայաստանի իշխանության կողմից Արցախին ցուցաբերվող օգնության չափը․․․
ՌԴ եւ Ադրբեջանի ԱԳ նախարարները քննարկել են Ղարաբաղի վերաբերյալ եռակողմ պայմանավորվածությունների կատարումը
Լավրովը եւ Բայրամովը քննարկել են եռակողմ պայմանավորվածությունների կատարման գորընթացը...
Արցախի թեման ընդհանրապես բացակայում է բանակցային գործընթացներում. կախվածությունը Բաքվից միայն մեծացել է. Քոչարյան
Ամենամեծ վտանգը Ղարաբաղի պետական ինստիտուտների ապամոնտաժումն է։ Ես կարծում եմ՝ փորձելու են գնալ նաև դրան...
Այսօր հայերի հետ սգում ենք 2020 թ․ սեպտեմբերի 27-ին և դրանից հետո զոհվածների հիշատակը. ՀՀ-ում ԵՄ պատվիրակություն
Հայաստանում Եվրոպական միության պատվիրակությունը Արցախյան 44-օրյա պատերազմի ․․․
44-օրյա պատերազմում զոհված Սեւակ Ալեքսանյանն այսօր կդառնար 22 տարեկան․նա զոհվել է վիրավորներին օգնություն ցույց տալիս
Պատերազմի ժամանակ իր մեքենայով վիրավորներին տեղափոխել էր հոսպիտալներ, կրակահերթերի տակից հանել․․․
Ամենաշատ