News
Լրահոս
News
Երեքշաբթի
Մարտ 19
Տեսնել լրահոսը

Ֆրանսիան այս ամառ պատրաստվում է շոգի չորրորդ ալիքին, այն դեպքում, երբ երաշտը երկրի պատմության մեջ անասելի հետեւանքների է հանգեցրել՝ չորացած ծառեր եւ խմելու ոչ անվտանգ ջուր, իսկ ֆերմերները զգուշացրել են, որ կաթը կարող է չբավարարել ձմռանը, տեղեկացրել է Reuters-ը։

Վարչապետ Էլիզաբեթ Բոռնի գրասենյակը ստեղծել է երաշտի դեմ պայքարի ճգնաժամային խումբ, որը բազմաթիվ գյուղերի հարկադրել է բեռնատարներով ջուր բերել, EDF պետական կոմունալ ընկերությանը դրդել է սահմանափակել ատոմային էներգիայի արտադրությունը եւ գյուղատնտեսական մշակաբույսերը ենթարկել է սթրեսի։

Meteo France ազգային օդերեւութաբանական գործակալությունը հայտարարել է, որ սա ամենախիստ երաշտն է 1958-ից ի վեր, եւ սպասվում է, որ երաշտը շարունակվելու է, համենայն դեպս՝ մինչեւ ամսվա կես։ Ֆրանսիայում հուլիսին միջինը 1 սանտիմետրից էլ պակաս տեղումներ են եղել։

Սպասվում է, որ եգիպտացորենի բերքը 18,5 տոկոսով ավելի քիչ կլինի, քան 2021թ., ասել են գյուղատնտեսության նախարարությունում։

Առաջիկա ամիսներին կարող է առաջանալ նաեւ կաթի անբավարարություն, նշել են Ֆերմերների ազգային ասոցիացիայում։

EDF ատոմային օպերատորը անցած շաբաթ կրճատել է Գարոն գետի էլեկտրակայանի հզորությունը՝ բարձր ջերմաստիճանների պատճառով, ինչպես նաեւ Հռենոսի վրա գտնվող ռեակտորների համար նախազգուշացում է տարածել։

Շոգը խորացրել է կոմունալ ձեռնարկությունների խնդիրները, քանի որ կոռոզիայի եւ երկարատեւ տեխնիկական սպասարկման խնդիրները 56 ռեակտորների կեսում իջեցնում են հզորությունները, քանի որ Եվրոպան բախվում է էներգետիկ ճգնաժամի։

Ջրի սահմանափակումները գործում են Ֆրանսիայի մայրցամաքային գրեթե ամբողջ հատվածում, այդ թվում շատ տեղերում արգելված է ռետինե խողովակների եւ իռիգացիոն համակարգի օգտագործումը։

!
Այս նյութը հասանելի է նաև   English and Русский
Տպել
Ամենաշատ