Սինգապուրի վարչապետ Լի Սյեն Լունը զգուշացրել է լարվածության պատճառով սխալ հաշվարկների մասին։
Նա նշել է, որ Սինգապուրը կբախվի տարածաշրջանում ինտենսիվ մրցակցությանն ու լարվածությանը, եւ անհրաժեշտ է նախապատրաստվել ապագային, հաղորդում է Reuters-ը։
«Մեր շուրջը ամպեր են կուտակվում։ ԱՄՆ-ի եւ Չինաստանի միջեւ հարաբերությունները վատանում են անլուծելի խնդիրների, խորը կասկածների եւ սահմանափակ փոխգործակցության պատճառով»,-ասել է նա։
Նա նշել է, որ Սինգապուրի հեռանկարը «զգալիորեն խամրած է»՝ հավելելով, որ առաջիկա ամիսներին կառավարությունը լրացուցիչ միջոցներ կձեռնարկի՝ օգնելու մարդկանց հաղթահարել գների աճը։