News
Լրահոս
News
Երկուշաբթի
Հոկտեմբեր 03
USD
406.22
EUR
397.24
RUB
7.09
Տեսնել լրահոսը

ՀՀ քննչական կոմիտեի Երևան քաղաքի քննչական վարչության ծանր հանցագործությունների քննության բաժնում նախաձեռնված քրեական վարույթի շրջանակներում իրականացվում են վարութային և քննչական գործողություններ՝ սպառողական կոոպերատիվների կողմից քաղաքացիներից խարդախությամբ առանձնապես խոշոր չափերի գումար հափշտակելու դեպքի բոլոր հանգամանքները պարզելու ուղղությամբ:

Քննչական կոմիտեից NEWS.am-ին փոխանցում են, որ ստացված նախնական տվյալներով պարզվել է, որ մի շարք անձինք, ներկայանալով որպես բարերար, վստահություն ձեռք բերելով սոցիալապես անապահով բազմաթիվ քաղաքացիների մոտ և վերջիններիս աշխատանքով ապահովելու, նրանց համար Երևան քաղաքի մերձակայքում սեղմ ժամկետներում, շուկայականից զգալի ցածր գներով, անտոկոս, էկո բնակարաններ կառուցելու և տրամադրելու կեղծ խոստումներով, գիտակցելով իրենց առաջարկած պայմաններով բնակարաններ կառուցելու անհնարինությունը, 2018-2019թթ. հիմնադրել են «Մի կտուրի տակ» անվանումով թվով 10 սպառողական կոոպերատիվներ, ինչպես նաև՝ համանուն հասարակական կազմակերպություն, որոնց անդամակցել են  բազմաթիվ քաղաքացիներ և որպես անդամավճար փոխանցել են 2000-ական ՀՀ դրամ:

Նման եղանակով քաղաքացիներից գումարներ գանձելով և դրանք սեփական հայեցողությամբ, առանց պատշաճ հիմնավորումների օգտագործելուց հետո, կոոպերատիվներին անդամակցած քաղաքացիների մոտ վստահություն ձեռք բերելու և իրենց ծրագրերին լրացուցիչ լրջություն հաղորդելու նպատակով, նրանց հավաստիացրել են, որ իրենց ծրագրի իրականացման համար ունեն պետական աջակցություն և շատ կարճ ժամանակահատվածում սպառողներին են հանձնելու բնակելի թաղամաս՝  այդ կերպ բնակարաններ տրամադրելու կեղծ պատրվակով կոոպերատիվի անդամներին առաջարկելով  իրենց կողմից տրամադրված բանկային հաշվեհամարին կատարել կանխավճարներ՝ սպառողական կոոպերատիվներում այդ պահին իբր հանգամանքների պատահական զուգադիպությամբ ազատված տեղերում գրանցվելու և բնակարան ստանալու համար՝ խոստանալով բնակարանների առաջին խմբաքանակը կառուցել և տրամադրել 2018թ. դեկտեմբերին, իսկ  չկատարելուց հետո խոստացել դրանք կառուցել և հանձնել 2019 թվականի մարտին:

Արդյունքում բազմաթիվ քաղաքացիներ իբրև կանխավճար նշված սպառողական կոոպերատիվների հաշվեհամարին են փոխանցել առանձնապես խոշոր չափերի գումարներ, որոնք խարդախությամբ հափշտակվել են կոոպերատիվների ղեկավարների կողմից:

Ձեռք բերված բավարար ապացույցների համակցությամբ՝ մեկ անձի մեղադրանք է առաջադրվել՝ խարդախությամբ առանձնապես խոշոր չափերի գումար հափշտակելու համար:

Նախաքննությունը շարունակվում է: Ձեռնարկվում են անհրաժեշտ միջոցառումներ՝ օբյեկտիվ և բազմակողմանի քննություն ապահովելու, հիշյալ կոոպերատիվների ղեկավարների գործողություններից տուժած քաղաքացիների ամբողջական շրջանակը պարզելու ուղղությամբ:

Վարույթն իրականացնող մարմինը հորդորում է՝ վերոհիշյալ կոոպերատիվների հանցավոր գործողություններից տուժած բոլոր քաղաքացիներին դիմել ՀՀ քննչական կոմիտեի Երևան քաղաքի քննչական վարչության ծանր հանցագործությունների քննության բաժին:

Տպել
Կարդացեք նաև
Ամբողջը
Երեխան ձեռքը մտցրել է էլեկտրական մսաղացի մեջ․ դաստակի եւ մատների անդամահատում է կատարվել. ԲԿ
Տնային պայմաններում պահածո պատրաստելու ժամանակ երեխան ձեռքը մտցրել է…
Ոստիկանները մարզերում հայտնաբերել են 2960 խախտում. 15 մեքենա չի ունեցել ԱՊՊԱ պայմանագիր, 35 վարորդ եղել է ոչ սթափ
Անվտանգ ճանապարհային երթևեկություն ապահովելու նպատակով ՃՈ 2-րդ...
Դրոնով փորձել են բջջային հեռախոսներ հասցնել «Արթիկ» ՔԿՀ, բայց չի հաջողվել
Հոկտեմբերի 2-ին՝ ժամը 11։30-ի սահմաններում, Հայաստանի Հանրապետության...
27-ամ յա երիտասարդը տան բակում դանակահարել է 51-ամյա տղամարդուն
Մարմնական վնասվածքներ պատճառած երիտասարդը ձերբակալվել է...
Մեկ շաբաթում գրանցվել է 252 արտակարգ դեպք. արձանագրվել է 10 մահ. ԱԻՆ
Սեպտեմբերի 26-ից հոկտեմբերի 2-ն ԱԻՆ ՓԾ ճգնաժամային կառավարման ազգային…
Սևան-Երևան ճանապարհին Nissan Xterra-ն բախվել է արգելապատնեշին. կա տուժած (ֆոտո)
Փրկարարները սահմանազատել են տարածքը, հոսանքազրկել ավտոմեքենան...
Ամենաշատ