News
Լրահոս
News
Կիրակի
Սեպտեմբեր 25
USD
416.27
EUR
406.03
RUB
7.25
Տեսնել լրահոսը

Իտալիայից ժամանած հնագետները կիսվել են հետազոտության արդյունքներով, որն անցկացվել է լեռնային Տոսկանայի հանգստավայրում վեց տարի շարունակ: Պեղումների ընթացքում գիտնականները բաղնիքներ եւ սրբավայր, ինչպես նաեւ բազմաթիվ արտեֆակտներ են հայտնաբերել: Այս մասին ասվում է Տոսկանայի Սան Կաչիանո դե Բագնի կոմունայի օֆսայթում, որը գտնվում է Սիենայից 60 կիլոմետր հեռավորության վրա։

Վեց տարի առաջ այստեղ հին հռոմեական բաղնիքների մնացորդներ էին հայտնաբերվել, ուստի մասնագետները հնագիտական ​​լայնածավալ ուսումնասիրություն էին սկսել։ Պարզվել է, որ հռոմեական ժամանակներում մեծ առողջարանային կենտրոն է եղել։ Հետաքրքիր է, որ հռոմեացիներն առաջինը չէին, նրանցից առաջ տեղական տաք աղբյուրների բուժիչ հատկությունները գնահատել էին էտրուսկները։

Գիտնականների գլխավոր գտածոն Օգոստոս կայսեր ժամանակաշրջանի սրբավայրն է՝ կառուցված մոտ երկու հազար տարի առաջ։ Ըստ երեւույթին, Օգոստոսի օրոք տեղի բաղնիքները մեծ հանգստավայր էին դարձել։ Սրբավայրը երեք զոհասեղան էր ներառում՝ ի պատիվ Ապոլոնի, Ֆորտունի եւ Իսիդայի: Բացի այդ, հնագետները հայտնաբերել են հունական դիցաբանության առողջության աստվածուհու՝ Հիգիիայի մարմարե արձանը:

Սրբավայրն ուսումնասիրելիս բազմաթիվ արտեֆակտներ են հայտնաբերվել, այդ թվում՝ մոտ երեք հազար մետաղադրամ (արծաթ, ոսկի, բրոնզ եւ օրիխալկ): Ըստ ամենայնի, այդ մետաղադրամները ստեղծվել են հատուկ սրբավայր այցելելու համար, այսինքն՝ որպես փող դրանք չեն օգտագործվել։

 

!
Այս նյութը հասանելի է նաև   Русский
Տպել
Ամենաշատ