Մոլեկուլային եւ բջջային կենսաբանության ինստիտուտի ռուս գիտնականներն առաջին անգամ վերակառուցել եւ համեմատել են Արեւմտյան Սիբիրում հին եւ ժամանակակից գորշ արջի միտոքոնդրիալ ԴՆԹ-ն: Պարզվել է, որ Պլեիստոցենում գիշատիչները գնացել են Ճապոնիա՝ ավելի լավ կյանքի հետեւից։
«Մոտ 75 հազար տարի առաջ՝ սառցե դարաշրջանում, Համաշխարհային օվկիանոսի մակարդակը փոխվել է, ինչի արդյունքում մայրցամաքի եւ կղզիների միջեւ ցամաքային միջանցք է բացվել։ Ավելի լավ կենսապայմաններ գտնելու համար կենդանիները բնակություն են հաստատել մայրցամաքի սահմաններից դուրս եւ հայտնվել են Ճապոնիայում»,- պատմել է Կենդանիների ցիտոգենետիկայի լաբորատորիայի կրտսեր գիտաշխատող Աննա Մոլոդցեւան:
իտնականները հետազոտել են ԴՆԹ-ների ընդհանուր մոտ 300 նմուշ: Ժամանակակից արջերի 19 վերլուծված նմուշներից երկուսը հնարավորինս մոտ են եղել Արեւելյան Հոկայդոյի կենդանիների եւ հնագույն կենդանու գենոմին, որոնց մնացորդները գտնվել էին Դենիսովայի քարանձավում:
Դա նշանակում է, որ սիբիրյան որոշ գիշատիչներ բոլորը նման են իրենց հին նախնիներին: Բացի այդ, Սիբիրում եւ Հեռավոր Արեւելքում ապրող գորշ արջերը մեկ պոպուլյացիա են:
