Մեծ Բրիտանիայի կառավարությունը հայտարարել է, որ հարավային, կենտրոնական եւ արեւելյան Անգլիայի որոշ հատվածներ պաշտոնապես մտել են երաշտի ռեժիմ՝ երկար շոգ եւ չոր եղանակից հետո, հաղոդում է Reuters-ը։

Անգլիայում գրանցվել է 1935 թվականից ի վեր ամենաչոր հուլիսը՝ ամսական միջին տեղումների ընդամենը 35 տոկոսով, իսկ Անգլիայի եւ Ուելսի որոշ հատվածներ այժմ ծայրահեղ շոգ եղանակ է։  

Ջրամատակարարման ընկերությունները այժմ կսկսեն ընդունել նախապես համաձայնեցված երաշտի ծրագրերը, որոնք կօգնեն պաշտպանել ջրամատակարարումը: Կառավարությունը երաշտից տուժած շրջանների հասարակության անդամներին եւ ձեռնարկություններին կոչ է արել խելամտորեն օգտագործել ջուրը: