News
Լրահոս
News
Կիրակի
Սեպտեմբեր 25
USD
416.27
EUR
406.03
RUB
7.25
Տեսնել լրահոսը


Սյունիքի մարզի Շուռնուխ վարչական շրջանում այսօր՝ օգոստոսի 12-ին, տեղի ունեցավ վերակառուցված բազմաբնակարան շենքի եւ բանալիների հանձնման արարողություն։ Բնակարաններում հաստատվելու են չորս ընտանիքներ, որոնցից երկուսը կորցրել են իրենց տները 44-օրյա պատերազմի հետեւանքով։ Մյուս երկու ընտանիքներն էլ սյունեցիներ են։

«Գորիսում անօթեւան մարդիկ չպետք է լինեն։ Գորիսում կա 86 ընտանիք, որոնք դեռեւս ապրում են տնակներում։ Իրենց տան խնդիրը եւս լուծվելու է, նախագծման աշխատանքներ են ընթանում։ Խնդիր ունենք՝ մինչեւ մյուս տարի ավարտել այդ շենքի կառուցման աշխատանքները»,- լրագրողների հետ զրույցում ասաց Գորիսի համայնքապետ Առուշ Առուշանյանը։

Համայնքում բացվեց նաեւ մանկական զարգացման կենտրոն, խաղահրապարակ եւ երիտասարդական կենտրոն։

Առուշանյանի խոսքով՝ Շուռնուխում կառուցվում է եւս 13 բնակարան՝ արդեն Տարածքային կառավարման և ենթակառուցվածքների նախարարության նախաձեռնությամբ։

«Հպարտորեն ասեմ՝ ոչ մի սահմանամերձ գյուղից որեւէ մեկը չի արտագաղթել։ Շուռնուխում կառուցվող տները մի քանի մետր են հեռու թշնամուց, բայց այստեղ մարդիկ մարտական են։ Պետք է կանգնած մնանք մինչեւ վերջ՝ մինչեւ Արցախի ազատագրում։ Մենք ոչ միայն պետք է իրենց տները կորցրած մարդկանց տուն տանք, այլեւ մեծացնենք գյուղը, նոր բնակիչների բերենք։ Ամեն բան պետք է արվի, որ այստեղի բնակիչների կյանքի որակը չզիջի Երեւանի, Գյումրիի կամ Գորիսի կենտրոնում ապրող մարդկանց կյանքի որակին»,- ընդգծեց Առուշ Առուշանյանը։

 

!
Այս նյութը հասանելի է նաև   English and Русский
Տպել
Ամենաշատ