ՀՅԴ ԳՄ անդամ, ԱԺ նախկին պատգամավոր Սուրեն Մանուկյանին երեկ երեկոյան մեղադրանք է առաջադրվել: Այս մասին NEWS.am-ին հայտնեց Մանուկյանի փաստաբանը` Սերգեյ Ոսկանյանը:
Մանուկյանին մեղադրանք է առաջադրվել ՔՕ 191 հոդվածի2-րդ մասի 5-րդ կետով, այն է`անձի առեւանգումը խմբակային ձեւով:
Նա հայտնեց, որ քննչական կոմիտեն միջնորդություն է ներկայացրել Սուրեն Մանուկյանին 2 ամսով կալանավորելու համար, նիստը տեղի կունենա այսօր:
Նշենք, որ Սուրեն Մանուլյանն իրեն առաջադրված մեղադրանքը չի ընդունում, այն համարում է «հերթական քաղաքական շոուն»:
Ավելի վաղ հայտնել էինք, որ «Ազատ դեմոկրատներ» կուսակցության նախագահ Խաչատուր Քոքոբելյանն հայտարարել է, որ իր հոր առևանգման գործի շրջանակներում ձերբակալվել է ՀՅԴ Հայաստանի Գերագույն մարմնի անդամ, ԱԺ նախկին պատգամավոր Սուրեն Մանուկյանը և ևս երկու հոգի։ Ոստիկանությունն էլ հայտնել էր, որ նախկին պատգամավորի հորը առեւանգել են եւ գումար են պահաջել:
