News
Լրահոս
News
Երկուշաբթի
Հոկտեմբեր 03
USD
406.22
EUR
397.24
RUB
7.09
Տեսնել լրահոսը


Աղավնոն ապրում է իր բնականոն կյանքով, թեպետ կան բազմաթիվ մտահոգություններ, սակայն Աղավնոն որեւէ ընտանիք դեռ չի լքել:Այս մասին իր տեսաուղերձում ասել է «Ժողովրդավարական համախմբում» կուսակցության ղեկավար Սուրեն Պետրոսյանը:

«Աղավնոն ապրում է իր բնականոն կյանքով, թեպետ կան բազմաթիվ մտահոգություններ, սակայն Աղավնոն որեւէ ընտանիք դեռ չի լքել, ցավոք, մեր լրահոսում տարածվում է տեղեկատվություն, որ Աղավնոն զանգվածաբար լքում են: Ես դիմում եմ բոլոր լրատվամիջներին, որոնք իրականում շահագրգռված չեն Աղավնոյի հայաթափմամբ, խնդրում եմ դադարեցնել ապատեղեկատվության  տարածումը: Ես ուզում եմ գիտակցենք, որ սա իրականում մի փոքր հողակտորի մասին չէ խոսքը, սա մեր ինքնության եւ մեր ապագայի խնդիրն է: Ի դեպ, ապագան իր հերթին լինում է 2 տեսակ` հավանական եւ հնարավոր, եթե մենք չգործենք, մենք ունենալու ենք հավանական ապագան, որը պետության եւ պետականության կորուստն է, սակայն մենք կարող ենք ունենալ հնարավոր ապագան` բեկելով գործողությունների ողջ ընթացքը: 2 տարի եւ ավելի է, ինչ Աղավնոյի բնակիչները պահել են գյուղը կանգուն: Ես ուզում եմ, որ մենք գիտակցենք, որ այլեւս մեր հերթն է դա անելու, ոչ թե դա մենք անենք, այլ մենք կանգնենք բնակիչների կողքին` շարունակելով Աղավնոն պահել կանգուն»,-ասաց նա:

Հիշեցնենք, որ Արցախում իրավիճակն օգոստոսի 1–ից լարված է։ Արցախի նախագահ Արայիկ Հարությունյանը օգոստոսի 2-ին հրավիրված Անվտանգության խորհրդի նիստում ասել է, որ Ադրբեջանը խաղաղապահների միջոցով պահանջել է Արցախը Հայաստանին կապող միջանցքի երթևեկությունը նոր երթուղով կազմակերպել: Հաջորդ օրը ադրբեջանական կողմը, կոպտորեն խախտելով հրադադարի պահպանման ռեժիմը, թիրախավորել էր ՊԲ մարտական դիրքերն ու զորամասերից մեկի մշտական տեղակայման վայրը՝ կիրառելով նաև ականանետներ, նռնականետեր և հարվածային ԱԹՍ-ներ։ Հայկական կողմն ունի 2 զոհ, 19 վիրավոր։ Արդեն օգոստոսի 5–ին Արցախի տարածքային կառավարման ու ենթակառուցվածքների նախարար Հայկ Խանումյանը Աղավնոյի և Բերձորի բնակիչներին ասել է, որ մինչև օգոստոսի 25-ը պետք է լքեն տները։

Նշենք, որ 2020 թվականի նոյեմբերի 9–ի եռակողմ հայտարարության 6–րդ կետում ասվում է, որ երեք տարում նոր այլընտրանքային ճանապարհ է կառուցվելու, որը կապելու է Արցախը Հայաստանի հետ։ Օգոստոսի 4–ին Հայաստանի տարածքային կառավարման և ենթակառուցվածքների նախարար Գնել Սանոսյանը հայտնել է, որ Լաչինի միջանցքի այլընտրանքային ճանապարհի կառուցման աշխատանքներն արդեն սկսվել են ու մինչև գարուն կավարտվեն։ Ադրբեջանը կառուցել է ճանապարհահատվածի 30 կմ-ը, որը պետք է միանա հայկական կողմի կառուցված ճանապարհին: Նոր երթուղու 5 կիլոմետրանոց հատվածում կտեղակայվի ռուս խաղաղապահները։

!
Այս նյութը հասանելի է նաև   Русский
Տպել
Ամենաշատ