Իրանի Իսլամական Հանրապետության միջուկային ծրագրի շուրջ Գործողությունների համատեղ համապարփակ ծրագրի (JCPOA) վերականգնման վերաբերյալ վերջնական համաձայնությունը հնարավոր է ձեռք բերել արդեն հաջորդ շաբաթ՝ բարենպաստ զարգացումներով։ Այս մասին ՏԱՍՍ-ին տված հարցազրույցում ասել է Վիեննայում միջազգային կազմակերպություններում Ռուսաստանի մշտական ներկայացուցիչ Միխայիլ Ուլյանովը։
«Բարենպաստ զարգացումների դեպքում վերջնական համաձայնությունը կարելի է ձեռք բերել արդեն հաջորդ շաբաթ: Սակայն դա այն դեպքում, երբ Վիեննայի բանակցություններին մասնակցող բոլոր երկրները համաձայն են օգոստոսի 8-ին ԵՄ համակարգողների կողմից տարածված տեքստի տարբերակին: Եթե կան փոփոխություններ, առարկություններ, ապա այժմ դժվար է կանխատեսել իրադարձությունների հետագա զարգացումը։ Պետք է սպասել մինչեւ հաջորդ շաբաթ», - ասել է դիվանագետը։
Նա պարզաբանել է, որ ԵՄ համակարգողները մի քանի ուղղումներ են կատարել տեքստում, որը գտնվում է բանակցությունների սեղանին։
«Սա ԵՄ-ի տեքստ չէ, այլ մշակվել է անցյալ տարվա ապրիլից շարունակվող բանակցությունների բոլոր մասնակիցների կողմից, որոնք: Որպես համակարգողներ՝ ԵՄ անդամները կարող են փոխզիջումային տարբերակներ առաջարկել, ինչը նրանք արել են: Իրոք, Միացյալ Նահանգները, ըստ երեւույթին, , համաձայնել է, մինչդեռ Իրանը դեռ չի արտահայտել իր վերաբերմունքն այս տեքստի վերաբերյալ, ուստի ես չեմ ենթադրի, թե Թեհրանն ինչ հարցեր կարող է ունենալ»,- եզրափակել է Ուլյանովը։
