News
Լրահոս
News
Կիրակի
Հոկտեմբեր 02
USD
405.65
EUR
396.08
RUB
7.57
Տեսնել լրահոսը

Ռուսաստանում նավթի եւ կոնդենսատի արդյունահանումն օգոստոսի առաջին շաբաթներին հուլիսի համեմատ նվազել է 3 տոկոսով՝ օրական մինչեւ 1.428 մլն տոննա, գրում է «Կոմերսանտ»-ը՝ վկայակոչելով աղբյուրները։ Այնուամենայնիվ, խոշոր նավթային ընկերությունները կայուն մակարդակի վրա են պահում արդյունահանումը՝ ՕՊԵԿ+ գործարքով ստանձնած պարտավորությունների պատճառով. ընդհանուր անկմանը նպաստել են փոքր խաղացողների արդյունքները, ինչպես նաեւ «Գազպրոմ»-ի կառույցները։

Ուղղահայաց ինտեգրված նավթային խոշոր ընկերությունների (VIOCs) մեծ մասին հաջողվում է պահպանել արտադրության ծավալը, նույնիսկ՝ արտահանման սահմանափակումների պայմաններում։ Մասնավորապես, «ԼՈւԿՕՅԼ»-ը եւ «Սուրգուտնեֆտգազ»-ը հետեւողականորեն օրական համապատասխանաբար 220 եւ 162 հազար տոննա են արտադրում։ «Ռոսնեֆտ»-ը (առանց իր դուստր «Բաշնեֆտ»-ի տվյալները հաշվի առնելու) օգոստոսին արտադրությունը կրճատել է ընդամենը 0.5 տոկոսով՝ մինչեւ օրական 464 հազար տոննա։

«Գազպրոմ Նեֆտ»-ը, իր հերթին, ընկնում է շուկայի հետ միասին՝ 3 տոկոսով՝ օրական մինչեւ 108 հազար տոննա: Շուկայի փոքր մասնակիցները շատ ավելի արագ են կորցնում դիրքերը՝ Ռուսաստանում արտադրության անկման 90 տոկոսը բաժին է ընկել այլ ընկերություններին: Դրանցից խոշորագույնների թվում են «Նեֆտիսա»-ն եւ Իրկուտսկի նավթային ընկերությունը, ինչպես նաեւ՝ «Գազպրոմ»-ը, որը կրճատել է նավթի եւ կոնդենսատի արդյունահանումը։

«Գազպրոմ»-ը վերջին ամիսներին անշեղորեն նվազեցնում է կոնդենսատի արտադրությունը՝ գազի արդյունահանման նվազման պատճառով, իսկ օգոստոսին կոնդենսատի ցուցանիշները կարող էին ավելի շատ տուժել՝ Եվրոպա արտահանման նվազման եւ ռուսական ստորգետնյա գազի պահեստարանների ներարկման ավելի դանդաղ տեմպերի պատճառով: Այլ ընդերքօգտագործողների կողմից կոնդենսատի օրական արտադրությունը նվազել է 15 տոկոսով՝ մինչեւ 208 հազար տոննա։

Ռուսաստանում նավթի արդյունահանումը կտրուկ նվազել է ապրիլին պատժամիջոցների սահմանման ֆոնին, սակայն անմիջապես սկսել է աստիճանաբար վերականգնվել։ Օգոստոսին արտադրությունը կրկին սկսել է նվազել՝ այդպես էլ չհասնելով նախաճգնաժամային մակարդակին։ Նավթի վերամշակումը, որը եւս ցուցանիշների անկում է գրանցել, ամռան վերջին ամսում շարունակել է աճել՝ հուլիսի համեմատ գրեթե 2 տոկոսով՝ մինչեւ 787 հազար տոննա։

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Իտալիան ուժեղացրել է ռազմածովային դիտարկումներն ու խողովակաշարերի վերահսկողությունը
Այս քայլը տեղի է ունեցել այս շաբաթ «Հյուսիսային հոսք» խողովակաշարերում արտահոսքի հայտնաբերումից հետո․․․
Բայդենին կոչ են արել աջակցել ԱՄՆ-ում էներգիայի ներքին արտադրության ընդլայնմանը
Մենք նախագահ Բայդենին եւ նրա վարչակազմին կոչ ենք անում աջակցել մեր երկրի բոլոր էներգետիկ ռեսուրսների, հատկապես քամու, արեւի, բնական գազի եւ հում նավթի մշակմանն ու փոխադրմանը․․․
Չեխիան եւ Լեհաստանը դիմել են ԵՀ-ին՝ խնդրելով ֆինանսավորում տրամադրել նոր գազատարի համար
Ավելի վաղ նրանք միջցանցային Stork II միացումից հրաժարվել էին, սակայն Եվրոպայում էներգետիկ ճգնաժամը եւ ռուսական գազը փոխարինելու փորձերը ստիպել էին երկրներին ակտիվացնել նախագիծը․․․
ԱՄՆ-ը շարունակում է գողանալ սիրիական նավթը․ SANA
Եվս 85 տանկերներ ամերիկյան զորքերը նախօրեին Մահմուդիայի ապօրինի անցումով ուղարկել էին հյուսիսային Իրաք․․․
Գերմանիան «չափազանց լարված իրավիճակում է» էներգամատակարարման հարցում
Մենք դեռեւս այս արտակարգ իրավիճակում ենք․․․
Ավստրիան չի կարող աջակցել գազի գնի սահմանափակման ԵՄ որեւէ ծրագրի
Ես գիտեմ, որ ԵՄ տարբեր անդամներ տարբեր տեսակետներ ունեն այս թեմայի վերաբերյալ․․․
Ամենաշատ