News
Լրահոս
News
Երկուշաբթի
Հոկտեմբեր 03
USD
406.22
EUR
397.24
RUB
7.09
Տեսնել լրահոսը


«Սուրմալու» առեւտրի կենտրոնում տեղի ունեցած պայթյունի հետեւանքով «Էրեբունի» Բժշկական կենտրոն է դիմել տասներեք տուժած, որոնցից յոթը դուրս են գրվել։ Այս մասին այսօր՝ օգոստոսի 15-ին, լրագրողների հետ զրույցում ասաց «Էրեբունի» ԲԿ-ի անհետաձգելի բուժօգնություն բաժանմունքի ղեկավար Արմինե Սանամյանը։

«Նախօրեին մեզ մոտ տեղափոխվել է քաղաքացի արդեն մահացած վիճակում։ Հիմա նշանակված է դատաբժշկական փորձաքննություն։ Մեզ դիմել է նաեւ ԱԻՆ 1 աշխատակից, որն ուներ մեկ վնասվածք, կոտրվածք չուներ, բուժօգնությունը ստացել եւ դուրս է գրվել»,- նշեց Սանամյանը։

Բժշկական կենտրոնում այժմ ստացիոնար բուժում է ստանում յոթ քաղաքացի, նրանց բոլորի վիճակը բավարար է, գտնվում են կայուն վիճակում։

«Տուժածները տարբեր վնասվածքներ ուներ՝ ստորին եւ վերին վերջույթների սալջարդ, քերծվածքներ, վերքեր, ողնաշարի տրավմաներ, ունենք կոնքի վնասվածքով մեկ հիվանդ։ Այրվածքով հիվանդ չունենք։ Վերակենդանացման բաժնում հիվանդ չունենք»,- ասաց Արմինե Սանամյանը։

Հիշեցնենք, որ երեկ՝ ժամը 13։23-ին Ճգնաժամային կառավարման ազգային կենտրոն ահազանգ է ստացվել, որ «Սուրմալու» առեւտրի կենտրոնում տեղի է ունեցել պայթյուն։ Ըստ նախնական տվյալների՝  տեղի է ունեցել պայթյուն՝ հրդեհի բռնկմամբ։ Պայթյունի հետեւանքով կա 6 զոհ, վիրավորների թիվն անցնում է 6 տասնյակից։

Ուժեղ պայթյունի դեպքի առթիվ նախաձեռվնել է քրեական վարույթ՝ ՀՀ ՔՕ 357-րդ հոդվածի 2-րդ մասի (Հրդեհային անվտանգության կանոնները կամ պահանջները խախտելը, որն անզգուշությամբ առաջացրել է մարդու մահ կամ այլ ծանր հետեւանք) եւ 358-րդ հոդվածի 2-րդ մասի (Դյուրավառ կամ այրիչ նյութերի պահպանման, հաշվառման, փոխադրման, առաքման կամ օգտագործման կանոնները կամ պահանջները խախտելը, որն անզգուշությամբ առաջացրել է մարդու մահ կամ այլ ծանր հետեւանք) հատկանիշներով։

Պայթյունի հետեւանքով զոհված վեց քաղաքացիների անունները հայտնի են՝ Միսակ Մարգարյան, Անահիտ Մխիթարյան, Ջեմմա Նազարյան, Անահիտ Խալաթյան, Վարդան Քոչարյան, Գայանե Ավետիսյան։

Վերջին տեղեկություններով՝ պայթյունի հետեւանքով որոնվում է 15 քաղաքացի։ Առողջապահության նախարարությունն այսօր հայտնել է, որ պայթյունի հետեւանքով բժշկական տարբեր կենտրոններում բուժումը շարունակում է ստանալ 21 տուժած, նրանց վիճակը գնահատվում է միջին ծանրության։

Այսօր՝ վաղ առավոտյան, դեպքի վայր է ժամանել վարչապետ Նիկոլ Փաշինյանը։ Նրան դիմավորել է Երեւանի քաղաքապետ Հրաչյա Սարգսյանը։

Նշենք, որ առեւտրի կենտրոնի պայթյունի վերաբերյալ Արցախի ժողովրդի անունից ցավակցություն է հայտնել Արցախի Հանրապետության նախագահ Արայիկ Հարությունյանը։

Ավելի վաղ NEWS.am-ի թղթակիցը դեպքի վայրից հայտնել է, որ «Սուրմալու» առեւտրի կենտրոնի հարակից տարածքում գտնվող առեւտրի կենտրոնները փակ են, այդ թվում՝ «Փեթակը»։

Քիչ առաջ լրագրողների հետ զրույցում ԱԻ փոխնախարար Դավիթ Համբարյանը հայտնել է, որ պայթյունի հետեւանքով առաջացած հրդեհն ամբողջությամբ վերահսկվում է։ Նա նաեւ նշել է, որ գործ ունեն գերհրավտանգ նյութերի հետ, որոնք ամբարված են եղել պահեստներում. «Ըստ էության հրդեհը տեղի է ունեցել պահեստային հատվածներում»։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Մեկ շաբաթում գրանցվել է 252 արտակարգ դեպք. արձանագրվել է 10 մահ. ԱԻՆ
Սեպտեմբերի 26-ից հոկտեմբերի 2-ն ԱԻՆ ՓԾ ճգնաժամային կառավարման ազգային…
Սևան-Երևան ճանապարհին Nissan Xterra-ն բախվել է արգելապատնեշին. կա տուժած (ֆոտո)
Փրկարարները սահմանազատել են տարածքը, հոսանքազրկել ավտոմեքենան...
Ղազախստանում դպրոցականները մանկապարտեզում ջարդ են կազմակերպել
Իրավապահները ոստիկանություն են հրավիրել դպրոցականների ծնողներին եւ մեծահասակների նկատմամբ վարչական արձանագրություններ կազմել։
Մուսալեռ գյուղի ռեստորանի մոտ վեճի ժամանակ դանակով հարվածել է 35-ամյա տղամարդու ազդրին ու փախել
Ոստիկանության Վաղարշապատի բաժնի ծառայողների ձեռնարկած միջոցառումների արդյունքում պարզվել է, որ սեպտեմբերի 29-ին, ժամը 23.00-ի սահմաններում...
Աղվան Հովսեփյանին հանցակցելու դրվագով Վրեժ Մարկոսյանի վերաբերյալ կայացվել է մեղադրական դատավճիռ
Արդյունքում` Երևան քաղաքի առաջին ատյանի ընդհանուր իրավասության դատարանի՝ 2022 թվականի հոկտեմբերի 3-ի դատավճռով Վ.Մարկոսյանը մեղավոր է...
Երեք օրում բացահայտվել է 125 հանցագործության դեպք. Գրանցվել է 34 ավտովթար, զոհվել է 3, վիրավորվել՝ 47 մարդ
Օպերատիվ իրավիճակը հանրապետությունում սեպտեմբերի 30-ից հոկտեմբերի 3-ը…
Ամենաշատ