Չինաստանում կինը դատի է տվել գործընկերոջը՝ իրեն չափազանց ամուր գրկելիս կողոսկրերը կոտրելու համար, գրում է Oddity Central-ը։
Ինչպես պատմել է կինը, երբ նա իր աշխատավայրում էր, գործընկերը մոտեցել էր հետեւից եւ այնքան ուժեղ էր գրկել իրեն, որ նա ցավից ճչացել էր։ Գրասենյակից տուն գնալու ճանապարհին չինուհին նկատել է, որ անհարմարությունը դեռ խանգարում է իրեն նորմալ շնչել։ Ընդամենը հինգ օր անց տուժողը դիմել է բժշկի եւ պարզել, որ նրա երեք կողոսկրերը կոտրվածք են։
Կինը ստիպված էր արձակուրդ գնալ, ինչը նրա եկամուտների կորստի է հանգեցրել, բացի այդ, նա զգալի գումարներ է ծախսել բուժման համար։ Չինուհին կապվել է իր գործընկերոջ հետ եւ փորձել խաղաղ ճանապարհով կարգավորել իրավիճակը, սակայն վերջինս պնդել է, որ իրեն մեղավոր չի ճանաչում։
Ի վերջո, տուժածը դատի է տվել նրան՝ պահանջելով փոխհատուցել պատճառված նյութական վնասները։ Պարզվել է, որ օրենքը կնոջ կողմն է, եւ այժմ գործընկերը պետք է նրան 1500 դոլար վճարի։
