Արեւմուտքը փորձում է պահպանել աշխարհում հեգեմոնիան։ Այս մասին հայտարարել է Ռուսաստանի նախագահ Վլադիմիր Պուտինը։
«Արեւմտյան գլոբալիստական էլիտաները հակազդում են օբյեկտիվ գործընթացներին, հրահրում քաոս, հին ու նոր հակամարտություններ, իրականացնում այսպես կոչված զսպման քաղաքականություն եւ իրականում խարխլում զարգացման ցանկացած այլընտրանքային ինքնիշխան ուղի»,-ասել է Պուտինը։
Նրա խոսքով՝ նրանք ամբողջ ուժով փորձում երկրներն ու ժողովուրդներին պահել նեոգաղութատիրական կարգերի ճիրաններում, նրանց հեգեմոնիան նշանակում է լճացում ամբողջ աշխարհի, ողջ քաղաքակրթության համար, խավարամտություն եւ մշակույթի վերացում, նեոլիբերալ տոտալիտարիզմ։
«ԱՄՆ-ն եւ նրա վասալները կոպտորեն միջամտում են ինքնիշխան պետությունների ներքին գործերին, կազմակերպում սադրանքներ, պետական հեղաշրջում, քաղաքացիական պատերազմներ։ Սպառնալիքները, շանտաժը եւ ճնշումն օգտագործվում են անկախ պետություններին ստիպելու ենթարկվել իրենց կամքին, ապրել իրենց համար խորթ կանոններով»,-հավելել է Պուտինը։