Համայն Ռուսիո պատրիարք Կիրիլը ցավակցություն է հայտնել «Սուրմալու»-ի պայթյունի կապակցությամբ։
Նա համապատասխան ուղերձ է հղել ՀՀ վարչապետ Նիկոլ Փաշինյանին եւ Ամենայն հայոց կաթողիկոս Գարեգին Երկրորդին։
«Մեծ ցավով ընդունեցի Երեւանում առեւտրի կենտրոնում տեղի ունեցած ողբերգության մասին լուրը։ Հրդեհի եւ շենքի փլուզման հետեւանքով մարդիկ են զոհվել, շատերը վիրավոր են։ Խորին ցավակցություն եմ հայտնում եղբայրական Հայաստանին եւ այդ աղետի հետեւանքով իրենց հարազատներին ու մտերիմներին կորցրած բոլոր մարդկանց։ Կցանկանայի վստահեցնել Ձեզ, որ Ռուսական ուղղափառ եկեղեցին պատրաստ է բարոյական աջակցություն ցուցաբերել բոլորին, ովքեր դրա կարիքը ունեն։ Թող Տերը ողորմությամբ ընդունի հանգուցյալների հոգիները, մխիթարի սգավորներին եւ շուտափույթ ապաքինում շնորհի զոհերին»,-ասվում է ուղերձում։