News
Լրահոս
News
Երկուշաբթի
Հոկտեմբեր 03
USD
405.65
EUR
396.08
RUB
7.57
Տեսնել լրահոսը


«Սուրմալու» առեւտրի կենտրոնում երկու օր առաջ տեղի ունեցած ուժեղ պայթյունի պատճառները պարզելու համար պետք է խիստ մասնագիտական հետաքննություն անցկացնել։ Այս մասին NEWS.am-ի հետ զրույցում ասաց ԵՊՀ երկրաբանության եւ աշխարհագրության ֆակուլտետի դեկան Մարատ Գրիգորյանը։

«Միանշանակ կարծիք ասել, թե դա ինչի հետեւանք էր՝ հրավառության նյութե՞րն էր, թե՞ այլ երեւույթ, դժվար է ասել։ Եթե չլինի մասնագիտական վերջնական կարծիք, քննություն եւ պարզվի, թե ինչ քանակությամբ նյութեր կային այնտեղ կուտակված, յուրաքանչյուր հրավառ նյութի մեջ ինչ քանակությամբ պայթուցիկ նյութեր կան։ Այդ բոլորն ի մի բերելուց հետո կարող ենք հաշվարկել՝ իրո՞ք դա այն քանակի ուժն էր, որ կարող էր առաջացնել նման հետեւանքներ։ Երբ տեսնում եմ այդ հետեւանքները, դժվար եմ պատկերացնում, որ կարող էր այդ քանակությամբ հրավառ նյութեր հավաքվել եւ հանգեցներ այդպիսի հզոր պայթյունի»,- ասաց նա։

Մարատ Գրիգորյանի խոսքով՝ պայթյունի հետեւանքներից ենթադրվում է, որ մեծ էներգիա է անջատվել պայթման ժամանակ.

«Այսինքն՝ դա ոչ թե տասնյակ կիլոգրամների հասնող պայթուցիկ նյութեր են, այլ կարելի է ասել՝ հարյուր կիլոգրամների հասնող պայթուցիկ նյութեր, որոնք բերել են նման ծանր հետեւանքների։ Պետք է խիստ մասնագիտական հետաքննություն անցկացվի, որպեսզի գանք ճիշտ եզրակացության»։

Ըստ Գրիգորյանի՝ հրավառ նյութերը քաղաքի կենտրոնում եւ մարդաշատ այլ վայրերում պահելը խիստ վտանգավոր է. «Դա օրենքով պետք է արգելվի, այդ նյութերի պահպանումը պետք է իրականացվի քաղաքից դուրս, բաց տարածքներում»։

Հիշեցնենք, որ «Սուրմալու» առեւտրի կենտրոնում օգոստոսի 14-ին տեղի է ունեցել ուժեղ պայթյուն, ինչի հետեւանքով կա 16 զոհ։ Անհետ կորած է համարվում 3 քաղաքացի։ Տուժածների ընդհանուր թիվը 61 է։ Տարբեր հիվանդանոցներում բուժումը շարունակում է 7 տուժած, նրանց առողջական վիճակը գնահատվում է բավարար: Մյուս հոսպիտալացվածները վիճակի դրական դինամիկայով դուրս են գրվել: Փլատակների տակից նաեւ 21 ավտոմեքենա է դուրս բերվել։

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Սուրմալուի» սեփականատերը դիմելու է քաղաքապետարան կիսափլուզված շենքի ապամոնտաժման համար․ Հրաչյա Սարգսյան
Քաղաքապետարանը լիազորություն չուներ այդտեղ, պետք է սեփականատիրոջ կողմից դիմում լիներ․․․
Քաղաքապետարանը մեղք չունի. ավագանու խորհրդի անդամը՝ «Սուրմալու» առեւտրի կենտրոնի շենքի փլուզման առիթով
Իրեղեն ապացույց եղող շենքը պետք է սահմանազատվեր...
Ինչո՞ւ քաղաքապետարանը չի քանդում «Սուրմալու»-ի վնասված շենքը. Ավինյանը խոստովանեց, որ այստեղ խնդիր կա
Իմ մասին տարբեր ժամանակներում ինչ ասես չեն խոսել, հիմա էլ, ենթադրում եմ…
«Սուրմալու»-ի պայթյունի քրեական վարույթով հարցաքննվել է 130 անձ, կալանավորված 3 մեղադրյալներից 1-ն ազատ է արձակվել
«Սուրմալու»-ում պայթյունի հետեւանքով 16 զոհ կա, մեկ քաղաքացի էլ համարվում է անհետ կորած…
«Սուրմալուի» տարածքը պետք է արագ մաքրվի. առաջարկում եմ` քանդման թույլտվություն տրվի քաղաքապետի կողմից. Ղուլարյան
Քաղաքաշինության կոմիտեի նախագահ Արմեն Ղուլարյանն առաջարկեց, որ Երևանի քաղաքապետը կիսավեր շենքի քանդման թույլտվություն տա, որպեսզի տարածքը…
«Սուրմալուում» փլատակներում հայտնված Mercedes-ը դեռ չեն հանել. Հարակից խանութների աշխատակիցներն իրենց ապրանքն են հանում
Նրանք չցանկացան հարցազրույց տալ, սակայն նշեցին, որ եթե չաշխատեին իրենց...
Ամենաշատ