Նոր Զելանդիայում պահեստի աճուրդից գնված ճամպրուկներում մարդկային մնացորդներ են հայտնաբերվել։
Մնացորդները գտնվել են պահեստավորման տարայի մեջ, որը ձեռք է բերել ոչինչ չկասկածող մի ընտանիք: Ոստիկանությունը կարծում է, որ գուցե դրանք մի մարդու մնացորդներ չեն, հաղորդում է Newshub-ը։
Ոստիկանությունը սպանության հետաքննություն է սկսել եւ փորձում է նույնականացնել մնացորդները։
Օքլենդի բնակիչները ոստիկանություն են կանչել, երբ հայտնաբերել են մնացորդները:
Ոստիկանությունը հրաժարվել է մեկնաբանություններից՝ նշելով միայն, որ կատարվում է հետաքննություն: