News
Լրահոս
News
Երեքշաբթի
Հոկտեմբեր 04
USD
406.22
EUR
397.24
RUB
7.09
Տեսնել լրահոսը

Բրիտանացի աշխատավորները վերջին ավելի քան 20 տարում իրենց գնողունակության ամենամեծ անկումն են ապրում, քանի որ գները շարունակում են աճել, հայտնում է CNN-ը:

Ըստ Ազգային վիճակագրության ծառայության, ապրիլ-հունիս ամիսներին նախորդ տարվա նույն ժամանակահատվածի համեմատ գնաճով ճշգրտված միջին իրական աշխատավարձը նվազել է 3 տոկոսով:

Սովորական աշխատավարձը (առանց բոնուսների) աճել են 4,7 տոկոսով ապրիլից հունիս ընկած ժամանակահատվածում, հայտնել է ONS-ը, սակայն գների շատ ավելի արագ աճի պայմաններում աշխատողներն ավելի վատ վիճակում են մնում:

Գնաճը ցատկել է մինչեւ 9,4 տոկոս՝ 40 տարվա ամենաբարձր ցուցանիշը, ինչը ստիպել է Անգլիայի բանկին վեց անգամ բարձրացնել տոկոսադրույքները դեկտեմբերից ի վեր, ընդ որում կանխատեսվում է, որ գներն էլ ավելի կաճեն այս տարվա վերջին:

Kantar լրատվական գործակալությունը հաղորդում է, որ Մեծ Բրիտանիայում պարենային ապրանքների գնաճը վերջին չորս շաբաթվա ընթացքում հասել է 11,6 տոկոսի, ինչը ամենաբարձր մակարդակն է վերջին 14 տարվա ընթացքում: Միջին տարեկան գնումների հաշիվներն աճել են 533 ֆունտով (640 դոլար):

Էներգիայի վարձավճարների աննախադեպ աճը, որը միջին տարեկան հաշվով այս տարի արդեն կազմել է 54 տոկոս՝ հասնելով մոտ 2000 ֆունտ սթեռլինգի (2410 դոլար), միլիոնավոր բրիտանացիների գցել է ծախսերի ճգնաժամի մեջ՝ ստիպելով շատերին ընտրություն կատարել «ջեռուցման եւ սննդի» միջեւ:

Հետազոտական Auxilione ընկերությունը հաշվարկել է, որ միլիոնավոր տնային տնտեսությունների համար տարեկան էլեկտրաէներգիայի վճարը հաջորդ գարնանը կարող է գերազանցել 5000 ֆունտ սթերլինգը (6000 դոլար):

Վերջին ամիսներին բրիտանացի աշխատողները պահանջում էին ավելի բարձր աշխատավարձեր՝ ճգնաժամը հաղթահարելու համար: Հունիսին երկաթուղու հազարավոր աշխատակիցներ գործադուլ էին հայտարարել՝ պահանջելով գնաճին համահունչ աշխատավարձերի բարձրացում, եւ այս շաբաթ նախատեսվում են ավելի շատ գործադուլներ:

Երեքշաբթի օրը British Airways-ի հազարավոր աշխատակիցների միջին աշխատավարձը գործադուլի սպառնալիքից հետո 13 տոկոսով բարձրացրել են:

!
Այս նյութը հասանելի է նաև   Русский
Տպել
Ամենաշատ