News
Լրահոս
News
Երեքշաբթի
Հոկտեմբեր 04
USD
406.22
EUR
397.24
RUB
7.09
Տեսնել լրահոսը

Համաձայն Կադաստրի կոմիտեի տվյալների, Արշակունյաց 15 հասցեում գործող «Սուրմալու» առևտրի կենտրոնում ընդամենը 19 վարձակալ կա, տեղեկացնում է Hetq.am-ը:  

«Սուրմալու» առևտրի կենտրոնը շահագործող «Երևանի պահածոների գործարան» ՓԲԸ-ն Արշակունյաց 15 հասցեի սեփականատերն է։ Սեփականության իրավունքը նշված հասցեի նկատմամբ, համաձայն Կադաստրի կոմիտեի, գրանցել է 2016 թվականին, որը 2018թ․ հուլիսից գրավադրվել է «Արարատբանկ» ԲԲԸ-ում։

Համաձայն Կադաստրի կոմիտեի՝ Արշակունյաց պողոտա 15 հասցեի անշարժ գույքը իր  միավորի որակական և քանակական բնութագրերով բաղկացած է 63 անուն շենք-շինություններից, այդ թվում՝ վարչական շենքից, գրասենյակային տարածքից, առևտրի տաղավարներից և ինքնակամ կառույցներից։ Հողամասի ընդհանուր մակերեսը ավելի քան 6 հա է:

Այդ հասցեն շուրջ 2 տասնյակ վարձակալ ունի, որոնք պաշտոնապես գրանցել են վարձակալության իրավունքը Կադաստրի կոմիտեում։ Բնականաբար, «Սուրմալու» առևտրի կենտրոնը բազմաթիվ տաղավարներ ունի և այդքան էլ վարձակալներ, որոնց իրավունքը Կադաստրում չի գրանցվել։

Այս հրապարակմամբ կանդրադառնանք Կադաստրի կոմիտեում գրանցված վարձակալներին։

•             2019թ․ հունվարից 141 քմ տարածք վարչական շենքից վարձակալում է  «ԱյԹիԷֆ» ՍՊԸ-ն, որը դրամական փոխանցումներ իրականացնող ֆինանսական կազմակերպություն է։ Այս ընկերությունը երկու տարածք է վարձակալել՝ 2019թ․ օգոստոսից ևս 140 քմ տարածք վարչական շենքից է վարձակալել։

•             2017թ․ փետրվարից «Դիսթրիմէքս» ՍՊԸ-ն է շուրջ 19 քմ է զբաղեցնում, որը ծխախոտ ներմուծող ընկերություն է։ Տարածքն օգտագործվում է որպես առևտրի կենտրոն։

•             2017թ․ փետրվարից 24 քմ առևտրի կենտրոն վարձակալում է «Յունիքորն թրեյդ» ՓԲԸ-ն։ Զբաղվում է ծխախոտի ներմուծմամբ։ Բացառիկ ներմուծողն է «Ջփեն տոբակո ինթերնեշնլ» («JAPAN TOBACCO INTERNATIONAL (JTI)», Շվեյցարիա):

•             2017թ․ փետրվարից 20 քմ առևտրի կենտրոնից վարձակալում է նաև «Գրանդ դիլինգ» ՍՊԸ-ն, որը նույնպես ծխախոտ իրացնող ընկերություն է։ «Գրանդ տոբակո»-ի և «Ինթերնեշնլ Մասիս տաբակ»-ի բացառիկ դիստրիբյուտոր։

•             2017թ. փետրվարից 10 քմ տարածք վարձակալել է «Կարթել-Աննա» ՍՊԸ, որը պարենային ապրանքների ներմուծող է։ Չի հստակեցված, թե ինչ տարածք է։

•             24 քմ տարածք առևտրի կենտրոնից վարձակալել է «Կվադրա-Իմպեքս» ՍՊԸ-ն, որը զբաղվում է «Կաֆֆա» սուրճերի վաճառքով։

•             95 քմ տարածք վարձակալել է «Սավատոն» ՍՊԸ-ն, որը ալկոհոլային խմիչքների մանրամեծածախ վաճառքով է զբաղվում։

•             2015թ. օգոստոսից շուրջ 46 քմ գրասենյակային տարածք վարձակալում է «Գանջ գրուպ» ՍՊԸ-ն։

•             18 քմ տարածք առևտրի կենտրոնում զբաղեցնում է «Վիդիս Դիսթրիբյուշն» ՍՊԸ-ն, որը նույնպես ծխախոտ ներմուծող ընկերություն է, դիստրիբյուտորն է «Ֆիլիպ Մորրիս ինթերնեշնլ», «Այքոս» և «Հիթս» ապրանքանիշերի:

•             2019թ․ մայիսից 54 քմ առևտրային տարածք վարձակալել է «Բոբ-111» ՍՊԸ-ն։ Ընկերությունը խաղալիքներ ներմուծող և վաճառող կազմակերպություն է։ Խաղալիքները, ըստ «Ստանդարտացման և չափագիտության ազգային մարմին» ՓԲԸ-ի, նախատեսված են 3-ից բարձր տարիքի երեխաների համար:

•             2019թ․ մարտից 1262 քմ շենքի վարչական հատվածից վարձակալում է «Ի.Տ.Կ.-ռուս» ՍՊԸ-ն, որը կահույքի խանութ-սրահ է։

•             2018թ․ հունվարից 381 քմ տարածք է վարձակալել «Ինտերֆուռ» ՍՊԸ-ն, որը ավտոտրանսպորտային ուղևորափոխադրումներ իրականացնող ընկերություն է։

•             Վարչական շենքում 20 քմ տարածք վարձակալել է նաև «Արարատբանկը»:

•             Որոշ տարածքներ վարձակալել են անհատ ձեռնարկատերեր։ Մասնավորապես․

•             Արման Գալստյան Աշոտի ԱՁ-ն 2011-ից 4 քմ է վարձակալել վարչական շենքից։

•             Աշոտ Ալոյան Խաչիկի ԱՁ-ն առևտրի կենտրոնից վարձակալել է շուրջ 14 քմ։

•             Արուս Կարապետյան Ֆիլիտերի ԱՁ-ն վարձակալել է 14 քմ առևտրի կենտրոնից։

•             Սերոբ Մարտիրոսյան Զավենի ԱՁ վարձակալել է 50 քմ։

•             «Գոհար Առաքելյան Վրեժի» ԱՁ-ն 2019թ․ մայիսից 116 քմ է վարձակալում վարչական շենքից։ Այս ԱՁ-ն 2019թ․ սեպտեմբերին Ֆինանսների նախարարությունում հաշվառվել է որպես հրագործական ապրանքների արտադրություն, ներմուծում կամ առևտուր իրականացնող կազմակերպություն: Համաձայն ՊԵԿ-ի ԱՁ-ն գործող է, զբաղվում է ոչ մասնագիտացված մեծածախ առևտրով:

Գոհար Առաքելյանի ֆեյսբուքյան էջն ուսումնասիրելիս պարզ է դառնում, որ վերջինս 2013-2014թթ․ Քանաքեռ-Զեյթուն վարչական շրջանի ղեկավարի տեղակալ, այնուհետև նաև ղեկավար ՀՀԿ-ական Արտակ Հանիսյանի մոտ է աշխատել, թերևս նրա օգնականն է եղել կամ գործավարուհին։

Արդեն 2016 թվականին Գոհար Առաքելյանի անունը հանդիպում ենք Երևանի քաղաքապետարանի պարգևատրումների ցուցակում, որտեղ աշխատել է որպես համակարգչային տեխ․ օպերատոր-գործավար։ Նույն 2016 թվականի նոյեմբերին գրանցել է իր ԱՁ-ն։ Պետռեգիստրում նշված հեռախոսահամարով Գոհար Առաքելյանի հետ կապ հաստատել չհաջողվեց։ Հեռախոսն անջատված էր։ Վերջինս նաև ֆեյսբուքյան մեր գրառմանը չարձագանքեց։

Նյութն ամբողջությամբ կարդացեք սկզբնաղբյուրում։

Տպել
Կարդացեք նաև
Ամբողջը
Ուժեղ քամու հետեւանքով «Սուրմալու» առեւտրի կենտրոնի պատի փլուզման վարույթով տուժող է ճանաչվել 4 անձ
Դեպքի վայրում քննչական, ապացուցողական ու վարույթային գործողությունները ավարտելուց հետո օրենքով սահմանված կարգով այդ մասին հայտնվել է իրավասու մարմիններին...
«Սուրմալուի» սեփականատերը դիմելու է քաղաքապետարան կիսափլուզված շենքի ապամոնտաժման համար․ Հրաչյա Սարգսյան
Քաղաքապետարանը լիազորություն չուներ այդտեղ, պետք է սեփականատիրոջ կողմից դիմում լիներ․․․
Քաղաքապետարանը մեղք չունի. ավագանու խորհրդի անդամը՝ «Սուրմալու» առեւտրի կենտրոնի շենքի փլուզման առիթով
Իրեղեն ապացույց եղող շենքը պետք է սահմանազատվեր...
Ինչո՞ւ քաղաքապետարանը չի քանդում «Սուրմալու»-ի վնասված շենքը. Ավինյանը խոստովանեց, որ այստեղ խնդիր կա
Իմ մասին տարբեր ժամանակներում ինչ ասես չեն խոսել, հիմա էլ, ենթադրում եմ…
«Սուրմալու»-ի պայթյունի քրեական վարույթով հարցաքննվել է 130 անձ, կալանավորված 3 մեղադրյալներից 1-ն ազատ է արձակվել
«Սուրմալու»-ում պայթյունի հետեւանքով 16 զոհ կա, մեկ քաղաքացի էլ համարվում է անհետ կորած…
«Սուրմալուի» տարածքը պետք է արագ մաքրվի. առաջարկում եմ` քանդման թույլտվություն տրվի քաղաքապետի կողմից. Ղուլարյան
Քաղաքաշինության կոմիտեի նախագահ Արմեն Ղուլարյանն առաջարկեց, որ Երևանի քաղաքապետը կիսավեր շենքի քանդման թույլտվություն տա, որպեսզի տարածքը…
Ամենաշատ