News
Լրահոս
News
Երեքշաբթի
Մարտ 19
Տեսնել լրահոսը


Որոնվող քաղաքացիներից մեկը որոշ տեղեկությունների համաձայն՝ պայթյունի պահին եղել է շենքի առաջին հարկի մուտքի մոտ։ Այս մասին այսօր՝ օգոստոսի 17-ին, լրագրողների հետ զրույցում ասաց Արտակարգ իրավիճակների փոխնախարար Արտյուշ Գրիգորյաը։

«Եթե անհետ կորածներից մեկը չնույնականացված քաղաքացին է, հետեւաբար՝ ունենք մեկ անհետ կորած քաղաքացի։ Մեր տեղեկությունների համաձայն՝ անհետ կորած քաղաքացին պայթյունի պահին եղել է շենքի առաջին հարկի մուտքի մոտ։ Մենք հիմա որոնողական աշխատանքներ ենք ներկայացնում շինության մոտակա տարածքներում, ինչը լրացուցիչ բարդություններ է առաջացանում, որովհետեւ շենքի փլուզման վտանգ կա»,- նշել է նա։

Փոխնախարարի խոսքով՝ քննարկումների համար մասնագետներ են հրավիրվել նախարարության սեյսմիկ ծառայությունից եւ մասնավոր ընկերությունից։ Հիմա իրականացվում է շինության շրջակայքի հովացման աշխատանքներ, որպեսզի կինոլոգները եւ փրկարար շները կարողանան աշխատել։

«Այս պահին իրականացվել է փլատակների մաքրման աշխատանքների 70 %-ը։ Քիչ է հավանականությունը, որ աշխատանքներն այսօր կավարտվեն, բայց չի էլ բացառվում։ Ամեն ինչ կախված է այն բանից, թե երբ կհայտնաբերենք քաղաքացիներին։ Մենք հիմա քննարկում ենք շենք մուտք գործելու հարցը, որպեսզի իրականացնենք որոնողական աշխատանքներ»,- ասաց Արտյուշ Գրիգորյանը։

Արտյուշ Գրիգորյանի խոսքով՝ նախարարությունը հատակագծերն ի սկզբանե ունեցել է, բայց որոնողական աշխատանքների ժամանակ հայտնաբերվել են տարածքներ, որոնք այդ հատակագծերում չէին երեւում։

«Մենք այդ պատճառով ցանկացել ենք լրացուցիչ նախագիծ, որ նույնականացնենք մեր ունեցածի հետ։ Փլուզման հետեւանքով ամբողջ կառուցվածքը խաթարվել է։ Դժվար է ասել՝ եղել է տարածք, որը նախագծում չկար, թե փլուզման ժամանակ է փոփոխություններ եղել»,- նշեց փոխնախարարը։

Արտյուշ Գրիգորյանն ընդգծեց, որ կենտրոնի սեփականատերերը որոնողական աշխատանքներին չեն մասնակցում, սակայն կապ են պահպանում։

Նա հավելեց, որ աշխատանքների ավարտից հետո շենքն ամբողջությամբ ապամոնտաժվելու է։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ըստ ԱԱԾ-ի՝ Եվրամիության դիտորդների գործունեության համար խոչընդոտներ չկան
Այս հարցը ի հայտ եկավ սահմանային վերջին լարվածությունից հետո, երբ ադրբեջանական կրակոցներից Սյունիքում հայկական կողմը 4 զոհ ու մեկ վիրավոր…
«Սուրմալու»-ի պայթյունի գործով նիստին տուժողները կներկայացնեն գույքային հայցեր․ նիստը հետաձգվեց
Ողբերգական պայթյունի գործով դատական նիստը հետաձգվեց․․․
«Սուրմալու»-ի պայթյունի գործով նախագահող դատավորը արգելում է ԶԼՄ-ներին ուղիղ հեռարձակում իրականացնել
Դատական նիստին արգելվեց ԶԼՄ-ներին՝ ուղիղ հեռարձակում իրականացնել…
Մեկնարկել է «Սուրմալու»-ի պայթյունի գործով նախնական դատական նիստը
Ամբաստանյալի կարգավիճակում է 3 անձ՝ Վահագն Հովհաննիսյանը, Գարիկ Վարդանյանը եւ Մհեր Մարգարյանը...
«Սուրմալու»-ի պայթյունի գործը դատարանում է. հայտնի է, թե որ դատարավորն է քննելու
Գործը մտել է դատարան...
«Փորձում են գործը կոծկել». «Սուրմալուի» պայթյունից շուրջ 1 տարի է անցել. զոհերի հարազատները դժգոհ են գործի քննությունից
Ոչ մի արդյունք չունենք...
Ամենաշատ