News
Լրահոս
News
Երեքշաբթի
Հոկտեմբեր 04
USD
406.22
EUR
397.24
RUB
7.09
Տեսնել լրահոսը

Հնդկաստանում 2002 թվականին անկարգությունների ժամանակ հղի մահմեդական կնոջ խմբակային բռնաբարության համար ցմահ ազատազրկման դատապարտված տասնմեկ հնդիկներ ազատ են արձակվել, ինչը դատապարտման է արժանացել զոհի ամուսնու, իրավաբանների եւ քաղաքական գործիչների կողմից:

Տղամարդիկ դատապարտվել են 2008 թվականի սկզբին եւ արեւմտյան Գուջարաթ նահանգի Պանչմահալսայում բանտից ազատ արձակվել երկուշաբթի օրը, երբ Հնդկաստանը նշում էր բրիտանական տիրապետության ավարտի 75-ամյակը:

Գուջարաթում բռնաբարությունները, որ Հնդկաստանում կրոնական ամենասարսափելի հանցագործություններից են, հանգեցրել են ավելի քան 1000 մարդու մահվան, որոնց մեծ մասը մահմեդականներ են եղել: Գուջարաթը այն ժամանակ գլխավորում էր Հնդկաստանի ներկայիս վարչապետ Նարենդրա Մոդին՝ որպես գլխավոր նախարար, եւ մինչ օրս ղեկավարվում է նրա ազգայնական «Բհարաթիա Ջանատա» կուսակցության կողմից:

Բարձրաստիճան պաշտոնյան Reuters-ին ասել է, որ շրջանային բանտի խորհրդատվական կոմիտեն 11 բանտարկյալների բանտում անցկացրած ժամանակը եւ նրանց լավ վարքագիծը վերանայելուց հետո առաջարկել է ազատ արձակել նրանց: «Բանն այն է, որ նրանք մոտ 15 տարի անցկացրել են բանտում եւ ներման իրավունք ունեին»,- ասել է նա։

Հնդկաստանի օրենքները թույլ են տալիս դատապարտյալներին ազատ արձակել 14 տարվա ազատազրկումից հետո:

Զոհի ամուսինն ասել է, որ ինքը հիասթափված է, քանի որ անկարգությունների հետեւանքով զոհվել են նաեւ ընտանիքի շատ անդամներ:

Ընդդիմադիր քաղաքական գործիչները եւ իրավաբանները հայտարարել են, որ ազատ արձակումը հակասում է կառավարության հայտարարած քաղաքականությանը՝ աջակցելու կանանց մի երկրում, որը հայտնի է նրանց նկատմամբ բռնությամբ: «Պատժաչափը մեղմացնելը այնպիսի սարսափելի հանցագործություն կատարած դատապարտվածների համար, ինչպիսին են խմբակային բռնաբարությունն ու սպանությունը, բարոյական եւ էթիկական սխալ է,- ասել է ավագ իրավաբան Անանդ Յագնիկը,- Ի՞նչ ազդանշան ենք մենք փորձում ուղարկել»։

 

!
Այս նյութը հասանելի է նաև   English and Русский
Տպել
Ամենաշատ