News
Լրահոս
News
Երկուշաբթի
Հոկտեմբեր 03
USD
405.65
EUR
396.08
RUB
7.57
Տեսնել լրահոսը

Հայաստանի Կոմունիստական կուսակցությունը թույլ չի տա, որպեսզի հակառուսական՝ այն է հակապետական ուժերը փորձեն սեպ խրել երկու եղբայրական ժողովուրդների դարավոր բարեկամության մեջ : Այս մասին ասվում է Հայաստանի Կոմունիստական կուսակցության հայտարարությունում:

Հայտարարությունում մասնավորապես ասվում  է.

«Օգոստոսի 14-ին, Երևանի սրտում տեղի ունեցավ հերթական ողբերգական դեպքը։ «Սուրմալու» առևտրի կենտրոնում պայթեց դյուրավառ նյութերի պահեստը՝ պատճառ դառնալով բազմաթիվ զոհերի ու վիրավորների։

Հայաստանի Կոմունիստական կուսակցությունն իր ցավակցությունն է հայտնում զոհերի ընտանիքներին ու հարազատներին, վիրավորներին՝ շուտափույթ ապաքինում։

Մենք չենք շտապի ենթադրություններ անել, այլ կսպասենք հետաքննության ավարտին։ Բայց մի բան պարզ է, որ այդ առևտրի կենտրոնում բացարձակ չեն պահպանվել ոչ միայն հակահրդեհային, այլև բոլոր տիպի վտանգների հակազդման կանոնները, ինչն էլ պատճառ է դարձել այդքան զոհերի։

Պետական իշխանությունները շտապեցին հայտարարությամբ հանդես գալ, որ տեսչական մարմիններն արձանագրել են հակահրդեհային անվտանգության կանոնների խախտման փաստը և դրանք վերացնելու համար ժամանակ տվել տոնավաճառի տնօրինությանը։ Արդյո՞ք դա արդարացնում է իշխանություններին կամ նվազեցնում պատասխանատվության բաժինը, միանշանակ ոչ, որովհետև նրանք պետք է հետևողական լինեին, որպեսզի թերությունները վերացվեին, ինչը չի արվել։

Հուսանք, որ տեղի կունենա անաչառ հետաքննություն և բոլոր մեղավորները, անկախ իրենց դիրքից ու պաշտոնից, կստանան արժանի պատիժ։

Այս ամենի ֆոնին, կրկին ակտիվացան պետության ներքին ու արտաքին կայունությունը խաթարող հակառուսական ուժերը։ Որոնք, իրենց մամուլ կոչված պրոպագանդայի միջոցներով սկսեցին տարածել ակնհայտ կեղծ լուրեր, պայթյունի մեղավորությունը փորձելով բարդել ռուսական կողմի վրա։ Այս գրանտակեր տզրուկների ապատեղեկատվությունն այնպիսի արագությամբ և տարբեր կենտրոնների ակնհայտ հովանավորությամբ սկսեց տարածվել, որ ՀՀ ում Ռուսաստանի Դեսպանատունը ստիպված եղավ բողոքի նոտա հղել ՀՀ ԱԳՆ։ Չհարգելով անգամ սեփական ժողովրդի սուգը, այս անբարոյական ոչնչությունները փորձում են քաղաքական դիվիդենտներ շահել՝ բարձրացնելով հակառուսական հիստերիա և դրանով համոզել իրենց տերերին, որ արժանիորեն վաստակել են իրենց 30 արծաթը՝ մինչդեռ ռուսական կողմն առաջինն էր, որ ոչ միայն առաջարկեց, այլև հասավ օգնության։ Մենք մեկ անգամ չէ, որ բարձրաձայնել ենք այս անհայրենիք խմբակների պետականաքանդ գործունեության մասին։ Մեկ անգամ ևս վերահաստատում ենք, որ Հայաստանի Կոմունիստական կուսակցությունը թույլ չի տա, որպեսզի հակառուսական՝ այն է հակապետական ուժերը փորձեն սեպ խրել երկու եղբայրական ժողովուրդների դարավոր բարեկամության մեջ։ Այս՝ արդեն բացահայտ արևմտյան գործակալներով, պետք է զբաղվեն ՀՀ Անվտանգության մարմինները։

ՀԿԿ Կենտկոմ»:

Տպել
Կարդացեք նաև
Ամբողջը
«Սուրմալուի» սեփականատերը դիմելու է քաղաքապետարան կիսափլուզված շենքի ապամոնտաժման համար․ Հրաչյա Սարգսյան
Քաղաքապետարանը լիազորություն չուներ այդտեղ, պետք է սեփականատիրոջ կողմից դիմում լիներ․․․
Քաղաքապետարանը մեղք չունի. ավագանու խորհրդի անդամը՝ «Սուրմալու» առեւտրի կենտրոնի շենքի փլուզման առիթով
Իրեղեն ապացույց եղող շենքը պետք է սահմանազատվեր...
Ինչո՞ւ քաղաքապետարանը չի քանդում «Սուրմալու»-ի վնասված շենքը. Ավինյանը խոստովանեց, որ այստեղ խնդիր կա
Իմ մասին տարբեր ժամանակներում ինչ ասես չեն խոսել, հիմա էլ, ենթադրում եմ…
«Սուրմալու»-ի պայթյունի քրեական վարույթով հարցաքննվել է 130 անձ, կալանավորված 3 մեղադրյալներից 1-ն ազատ է արձակվել
«Սուրմալու»-ում պայթյունի հետեւանքով 16 զոհ կա, մեկ քաղաքացի էլ համարվում է անհետ կորած…
«Սուրմալուի» տարածքը պետք է արագ մաքրվի. առաջարկում եմ` քանդման թույլտվություն տրվի քաղաքապետի կողմից. Ղուլարյան
Քաղաքաշինության կոմիտեի նախագահ Արմեն Ղուլարյանն առաջարկեց, որ Երևանի քաղաքապետը կիսավեր շենքի քանդման թույլտվություն տա, որպեսզի տարածքը…
«Սուրմալուում» փլատակներում հայտնված Mercedes-ը դեռ չեն հանել. Հարակից խանութների աշխատակիցներն իրենց ապրանքն են հանում
Նրանք չցանկացան հարցազրույց տալ, սակայն նշեցին, որ եթե չաշխատեին իրենց...
Ամենաշատ