News
Լրահոս
News
Հինգշաբթի
Սեպտեմբեր 29
USD
408.04
EUR
390.29
RUB
6.99
Տեսնել լրահոսը

Եվրոպայի արդյունաբերական կենտրոնը պոտենցիալ արտահոսքի է բախվում, քանի որ գերմանական ավտոպահեստամասերի, քիմիական նյութերի եւ պողպատի արտադրողները պայքարում են էլեկտրաէներգիայի գների հետ, որոնք գրեթե ամեն օր բարձրանում են:

Էլեկտրաէներգիայի եւ գազի գները Գերմանիայում ընդամենը երկու ամսվա ընթացքում աճել են ավելի քան երկու անգամ, իսկ էլեկտրաէներգիայի արժեքը գալիք տարվա համար, որը մայրցամաքի համար հենանիշ է, գերազանցել է 540 եվրոն մեկ մեգավատ/ժամի համար՝ երկու տարի առաջվա 40 եվրոյի համեմատ։

«Էներգիայի գնաճն այստեղ շատ ավելի կտրուկ է, քան ցանկացած այլ վայրում: Ես վախենում եմ Գերմանիայի տնտեսության աստիճանական ապաարդյունաբերականացումից», - ասել է ավտոմոբիլային, օդատիեզերական եւ կենցաղային արդյունաբերության համար սիլիկոնե մասեր արտադրող BIW Isolierstoffe GmbH-ի գործադիր տնօրեն Ռալֆ Ստոֆելսը:

Երկիրը, իր էլեկտրակայաններն ու գործարանները սնուցելու համար, հենվել է Ռուսաստանից ստացվող գազի վրա սակայն այժմ պատրաստվում է աննախադեպ մարտահրավերի` պահպանել լույսն ու բիզնեսը այն բանից հետո:

Գներն այժմ ցույց են տալիս էլ ավելի կայուն աճ, ինչը խստացնում է ճնշումը: Եվրոպական գազի գինը հաջորդ ամիս կհասնի ռեկորդային առավելագույնի՝ 241 եվրո մեկ մեգավատ/ժամի դիմաց, ինչը մոտ 11 անգամ ավելի բարձր է, քան տարվա այս եղանակին սովորաբար լինում է։

Մինչ կառավարությունը որոշ չափով սահմանափակում է տնային տնտեսությունների աճը, ձեռնարկությունները զերծ չեն մնում այս աճող ծախսերից:

«Գները ծանր բեռ են բազմաթիվ էներգատար ընկերությունների համար, որոնք մրցակցում են միջազգային մակարդակում», - ասում է 27 երկրներում գործարաններ ունեցող աշխարհի երկրորդ խոշորագույն քիմիական արտադրող Evonik Industries AG-ի ներկայացուցիչ Մաթիաս Ռուը:

Ընկերությունը Գերմանիայում իր բնական գազի ծավալների մինչև 40 տոկոսը փոխարինում է բնական հողուկ գազով եւ ածուխով` որոշ ավելի բարձր ծախսեր փոխանցելով հաճախորդներին: Սակայն տեղափոխվելու միտքն իմաստ չունի, ասել է խոսնակը։

Այնուամենայնիվ, կան ապացույցներ, որ Գերմանիայի արդյունաբերական իրավիճակը գնալով վատթարանում է: Oxford Economics խորհրդատվական ընկերության կառավարության տվյալների համաձայն` ընթացիկ տարվա առաջին վեց ամիսներին քիմիական արտադրանքի ներմուծումը տարեկան կտրվածքով աճել է մոտ 27 տոկոսով: Միաժամանակ նվազել է քիմիական արտադրության ծավալը, որը հունիսին՝ դեկտեմբերի համեմատ նվազել է գրեթե 8 տոկոսով։

Անցյալ ամիս Արժույթի միջազգային հիմնադրամը հայտարարել էր, որ Գերմանիան այս տարի Մեծ Յոթնյակում վատագույնն է լինելու՝ ինչը պայմանավորված է ռուսական բնական գազից արդյունաբերության կախվածությամբ:

Եվրոպայի խոշորագույն պղնձի արտադրողը՝ Համբուրգում գործող Aurubis AG-ն, պարտավորված է նվազագույնի հասցնել գազի սպառումը եւ էլեկտրաէներգիայի արժեքը փոխանցել սպառողներին, ասել է գործադիր տնօրեն Ռոլանդ Հարինգսը:

BMW AG-ն ակտիվացնում է հնարավոր պակասուրդի նախապատրաստական ​​աշխատանքները: Մյունխենյան ավտոարտադրողը շահագործում է 37 գազով աշխատող բլոկներ, որոնք ջերմություն եւ էլեկտրաէներգիա են արտադրում Գերմանիայի ու Ավստրիայի գործարաններում`փոխարենը մտածելով տեղական կոմունալ ծառայություններից օգտվելու մասին:

Փաթեթավորման Delkeskamp Verpackungswerke GmbH ընկերությունը նախատեսում է փակել թղթի գործարանը հյուսիսային Նորթափ քաղաքում՝ էներգիայի բարձր ծախսերի պատճառով, ինչ հետեւանքով 70  մարդ կմնա առանց աշխատանքի:

Բրյուսելի Bruegel վերլուծական կենտրոնի ավագ գիտաշխատող Սիմոնե Տալիապիետրան նշել է, որ էներգիայի գների կայուն աճը կարող է փոխել մայրցամաքի տնտեսական լանդշաֆտը:

«Որոշ արդյունաբերություններ լուրջ սթրեսի մեջ կլինեն՝ ստիպված լինելով վերանայել իրենց արտադրությունը Եվրոպայում», - ասել է նա:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Էներգետիկ ենթակառուցվածքի վրա հարձակումների մասին մտահոգությունները չպետք է ազդեն օպերատորների գործունեության վրա․ ԳԴՀ
Այս մասին հայտարարել է BVEG ասոցիացիայի ղեկավար Լյուդվիգ Մյորինգը՝ ելույթ ունենալով գազային Handelsblatt երկօրյա գագաթաժողովում․․․
Սլովակիան կարող է կրճատել էլեկտրաէներգիայի արտահանումը Գերմանիա եւ ԵՄ այլ երկրներ
Նրա խոսքով՝ եկամտի 180 եվրոյի չափով առաջարկվող շեմը մեկ ՄՎտ/ժ-ի համար նշանակում է, որ նրա երկիրը կստանա ․․․
Բայդենը պետք է պատասխանի՝ արդյո՞ք ԱՄՆ-ն իրականացրել է իր սպառնալիքը «Հյուսիսային հոսք»-ի մասով. Զախարովա
«2022-ի փետրվարի 7-ին Ջո Բայդենն ասել էր, որ «Հյուսիսային հոսք»-ին վերջ կտրվի, եթե Ռուսաստանը ներխուժի Ուկրաինա...
ԵՄ-ն հավանաբար հիասթափություն կապրի Ադրբեջանից հավելյալ գազ ստանալու իր հույսերում. Energy Intelligence
«Սակայն առյուծի բաժինն անշուշտ Թուրքիան կստանա...
Եվրամիությունը կարծում է, որ երկու ստորջրյա գազատարների վնասումը սաբոտաժ էր
«Ամբողջ առկա տեղեկատվությունը ցույց է տալիս, որ այդ արտահոսքերը կանխամտածված գործողությունների արդյունք են...
Գերմանիայի էկոնոմիկայի նախարարը կարծում է, որ անհրաժեշտ կլինի երկարացնել երկրի վերջին երկու ատոմակայանների կյանքը․ ԶԼՄ
«Խոսքը ոչ թե էլեկտրաէներգիայի քանակի, այլ ցանցում դրա բաշխման մասին է»․․․
Ամենաշատ