News
Լրահոս
News
Ուրբաթ
Սեպտեմբեր 30
USD
405.65
EUR
396.08
RUB
7.57
Տեսնել լրահոսը


Փողոցային առեւտրով զբաղվողները դժգոհ են Երեւանի քաղաքապետարանի մշակած օրենքի նոր նախագծից, որով փողոցային առեւտրի արգելքի խախտումը կպատժվի տուգանքով՝ վաճառվող ապրանքի առգրավմամբ։  NEWS.am-ի հետ զրույցում նրանք նշել են, որ իրենք կարիքից դրդված են փողոցում առեւտուր անում: Նշենք, որ մայրաքաղաքի կենտրոնական փողոցներում հիմնականում տարեց, թոշակառու մարդիկ են միրգ–բանջարեղեն վաճառում. «Ես թոշակով եմ ապրում: 55 հազար դրամ եմ ստանում, որից 35 հազարը տան վարձ եմ տալիս: Եթե նախագիծ ստեղծողները կարող են 20 հազար դրամով ապրել, թող ինձ արգելեն»:

Փողոցային առեւտրով զբաղվողներից շատերը կարծում են, որ այս որոշմամբ իշխանությունները փորձում են  իրենց զրկել մեկ կտոր հացից. «Մենք եկամտի աղբյուր չունենք, սրա հույսին ենք: Ո՛չ նպաստ ենք ստանում, ո՛չ՝ թոշակ: Օրենքի նախագիծ ստեղծողները գիտե՞ն՝ մենք ինչ վիճակում ենք ապրում»։

«Եթե ես լավ օրի լինեմ, կգա՞մ այստեղ կկանգնեմ: Բարձրաստիճան մարդկանց եմ դիմում. վերնախավը կգա՞, այստեղ կկանգնի: Պատգամավորը չի գա կանգնի, ունեցվածք ունեցողը չի գա: Չունեւոր մարդն է այստեղ կանգնում, որ իր ընտանիքը պահի»,– ասաց առեւտրականներից մեկը: Փողոցում ապրանք վաճառողնեը դեմ են նաեւ քաղքապետարանի՝ շուկաներում աշխատելու առաջարկին՝ պատճառաբանելով, թե ինչ գնով վաճառեն այն միրգը, որը գնում են հենց նույն շուկայում վաճառող գյուղացուն։

«Մեզ ասում են՝ գնացեք շուկաներ: Շուկայում այն նույն գյուղացին է, որից ես ապրանք եմ գնում: Գյուղացին կվաճառի 300 դրամով, ես կողքը կանգնեմ 350-ով վաճառեմ, իմ ապրանքը ո՞վ կգնի»: Հիշեցնենք, որ Կառավարությունը հավանություն է տվել Երեւանի քաղաքապետարանի առաջարկած նախագծին, որով Կառավարությունը արմատական քայլերի է գնում փողոցային առեւտրի դեմ պայքարում: Փողոցային արգելքը խախտողները ոչ միայն կտուգանվեն, այլեւ առեւտրականների ապրանքը կառգրավեն, իսկ սննդամթերքի դեպքում կոչնչացվեն: Առաջին անգամ տուգանքը կկազմի 70 հազար դրամ, իսկ երկրորդ անգամ՝ մեկ տարվա ընթացքում 200 հազար դրամ:

Տպել
Կարդացեք նաև
Ամբողջը
Դոլարի փոխարժեքը նվազել է. եվրոն թանկացել է
ԱՄՆ դոլարի փոխարժեքն այսօր՝ սեպտեմբերի 30-ին, կազմել է...
Եռակցողներ, խոհարարներ, տեխնոլոգներ. փորձագետը ներկայացրել է Հայաստանում ամենապահանջված մասնագիտությունների ցանկը
Արդյունաբերության ոլորտում տեխնոլոգների, ինժեներների եւ աշխատողների, բեռնատարների վարորդների, տեքստիլ արդյունաբերության մասնագետների, գինեգործների, խոհարարների, սարքավորումների սպասարկման մասնագետների, էլեկտրոնիկայի մասնագետների պահանջարկ կա...
«ԳեոՊրոՄայնինգը» շարունակում է համայնքներում համալրել կոմունալ ծառայությունների սպասարկման տեխնիկական պարկը
Որպես պատասխանատու գործատու մենք պարբերաբար խորհրդակցում ենք տեղական ինքնակառավարման մարմինների հետ՝ որոշելու ամենաառաջնահերթ...
10% հետվճարի ծրագրի շրջանակում օգոստոսին անկանխիկ գործարքներ է կատարել շուրջ 27,000 կենսաթոշակառու և նպաստառու
Հիշեցնենք, որ 10% հետվճարի ծրագրին միացել է նաև ԱԿԲԱ բանկը․ այս պահին գործընկեր բանկերն են՝ ՎՏԲ Հայաստան բանկ, Արդշինբանկ, Հայբիզնեսբանկ, Ակբա բանկ...
Հիմնանորոգվում է «Փակ շուկայի» դիմացի գետնանցումը. Այն կունենա կախովի առաստաղ, լեդ լուսավորություն
Նպատակ ունեինք մի փոքր խորացնել տարածքը, սակայն, քանի որ շատ ամուր…
ՊԵԿ նախագահը հյուրընկալել է ԱՄՀ հայաստանյան առաքելության ղեկավարին
Քննարկվել են երկկողմ համագործակցությանն առնչվող մի շարք հարցեր...
Ամենաշատ