News
Լրահոս
News
Ուրբաթ
Սեպտեմբեր 30
USD
405.65
EUR
396.08
RUB
7.57
Տեսնել լրահոսը

Շարունակում է առկա մնալ հիմնավոր կասկածն առ այն, որ ՀՀ քրեական հետապնդման մարմիններն ամեն ինչ անում են ՀՀ վարչապետին ուղեկցող ՃՈ ավտոմեքենայի վարորդի կողմից Սոնա Մնացականյանին վրաերթի ենթարկելու փաստի առթիվ նախաձեռնված քրեական վարույթի ընթացքն անհարկի ձգձգելու և ժամանակ շահելով՝ մեղավոր անձանց հետագա անպատժելիությունն ապահովելու ուղղությամբ։ Այս մասին իր ֆեյսբուքյան էջում գրել է Երեւանի նախկին դատախազ, փաստաբան Րաֆֆի Ասլանյանը։

«Շարունակում է առկա մնալ հիմնավոր կասկածն առ այն, որ ՀՀ քրեական հետապնդման մարմիններն ամեն ինչ անում են ՀՀ վարչապետին ուղեկցող ՃՈ ավտոմեքենայի վարորդի կողմից Սոնա Մնացականյանին վրաերթի ենթարկելու փաստի առթիվ նախաձեռնված քրեական վարույթի ընթացքն անհարկի ձգձգելու և ժամանակ շահելով՝ մեղավոր անձանց հետագա անպատժելիությունն ապահովելու ուղղությամբ։ Մասնավորապես, այսօր հսկող դատախազի ակնհայտ անօրինական հանձնարարության հիման վրա քննիչի կողմից որոշում է կայացվել կրկնակի հանձնաժողովային փորձաքննություն նշանակելու մասին, երբ չկան նույնիսկ առերևույթ հիմքեր՝ նախորդ փորձաքննությունների եզրակացությունների հիմնավորվածությունը կասկածի տակ դնելու համար։ Միջնորդություն եմ ներկայացրել վերադաս դատախազին՝ այդ հանձնարարությունը վերացնելու պահանջով՝ նկատի ունենալով, որ նախորդ փորձաքննությունների արդյունքում հստակ ու սպառիչ կերպով արձանագրվել է վարորդի մեղավորությունը, իսկ երթևեկության մյուս մասնակիցների արարքները ենթակա են համարվել իրավական գնահատման։ Մինչդեռ, հսկող դատախազը փորձում է մասնագիտական հատուկ գիտելիքներ չպահանջող, իրավունքի հարցերի պատասխանը ստանալ համապատասխան բնագավառի փորձաքննության միջոցով՝ դրանով իր լիազորությունը փաստացի «պատվիրակելով» փորձագետին։ Ավելին, առանց որևէ հիմնավորման ու պատճառաբանության նա փորձում է կրկնակի փորձաքննության առարկա դարձնել նաև վարորդի գործողությունները, որոնք առաջնային և լրացուցիչ փորձաքննություններով հստակ գնահատվել են։ Ընդ որում, ՀՀ գործող քրեական դատավարության օրենսգրքի 36-րդ հոդվածի իրավակարգավորումն ըստ էության հսկող դատախազին արգելում է որոշակի հանգամանքներ պարզելու կապակցությամբ նմանաբովանդակ՝ կոնկրետ տեսակի ապացուցողական գործողության կատարման անհրաժեշտության վկայակոչմամբ հանձնարարություն տալ»,- գրել է նա։

Տպել
Կարդացեք նաև
Ամբողջը
Դատարանը կալանավորեց Բերդում ընտրություններին հաղթած ուժի ավագանու անդամի թեկնածուին
Սամվել Հովսեփյանը մեղադրվում է Բերդ համայնքում կայանալիք տեղական ինքնակառավարման մարմինների ընտրություններին քարոզչություն կատարելուն հարկադրելու մեջ...
22-ամյա երիտասարդի «արկածներն» ավարտվեցին. Ոստիկանների գիշերային ծառայությունը կոնկրետ նպատակ ուներ
22-ամյա երիտասարդը խոստովանել է, որ գիշերը Ազատության պողոտայի մի բակում կայանված «Մերսեդեսից» գողացել է կողային հայելիները, իսկ երկու օր առաջ էլ...
Պայմանագրային զինծառայողը կնոջ ծնողների հողամասի ուղղությամբ նռնակ է նետել, պայթեցրել․ դեպքի հանգամանքները պարզվել են
Բացի այդ, հիշյալ պայմանագրային զինծառայողը 2015 թվականի ընթացքում Գեղարքունիքի մարզի Ճամբարակ քաղաքի վերին սահմանային մարտական...
«Քրեական վարույթը իրավական հիմք չունի». Բերդում ընտրություններին հաղթած ուժի ավագանու թեկնածուն չի ընդունում մեղադրանքը
Ցուցմունքում եւ մեզ տրամադրած վարույթի նյութերում որեւէ տեղեկություն առկա չէ իմ պաշտպանյալի վերաբերյալ...
47-ամյա տղամարդու մոտ թմրանյութ են հայտնաբերել. նրան թմրամիջոցը տվել էր Սարդարապատ գյուղի բնակիչը
Արմավիրի մարզային վարչության քրեական հետախույզները թմրամիջոցի իրացման դեպք են բացահայտել...
Եռաբլուրում կարմիր բերետավորների գործողությունների առթիվ քրեական վարույթ է նախաձեռնվել․ կան տուժողներ, մեղադրյալներ՝ ոչ
Վարույթով տուժողի կարգավիճակ են ստացել զոհված զինծառայողների ծնողները, իսկ մեղադրյալի կարգավիճակ ունեցող…
Ամենաշատ