Թուրքիայի արտաքին գործերի նախարարը հերքել է նախագահ Ռեջեփ Թայիփ Էրդողանի եւ նրա սիրիացի պաշտոնակից Բաշար Ասադի միջեւ հանդիպման մասին հրապարակումները Շանհայի համագոծակցության կազմակերպության (ՇՀԿ) սեպտեմբերին կայանալիք գագաթաժողովում։
Haber Global հեռուստաալիքի հետ զրույցում Չավուշօղլուն բացառել է Էրդողանի եւ Ասադի հանդիպումը Սամարղանդում սեպտեմբերի 15-16-ին նախատեսված գագաթաժողովոմ՝ ավելացնելով, որ Ասադը « հրավիրված չէ» այդ միջոցառմանը։
Չավուշօղլուն նաեւ ընդգծել է, որ անհրաժեշտ է քայլեր ձեռնարկել Սիրիայում կայուն խաղաղության համար, եւ ավելացրել է, որ «սիրիական վարչակարգը չպետք է ընդդիմությունը դիտարկի որպես ահաբեկիչների»։
Թուրքիան Սիրիայում իրականացնում է «դեպի արդյունք կողմնորոշված» քաղաքականություն՝ ընդգծելով երկրի տարածքային ամբողջականության պահպանման կարեւորությունն ու «այն ահաբեկչական կազմակերպություններից մաքրելու» անհրաժեշտությունը։
