Հայաստանում արտաքին առեւտրի ծավալն աճել է, այդ թվում՝ սեզոնային բանջարեղենի եւ մրգերի արտահանման հաշվին։ Այս մասին ասվում է Եվրասիական փորձագիտական ​​ակումբի կատարած հետազոտության մեջ։

Միեւնույն ժամանակ, Հայաստանի արտաքին առեւտրաշրջանառությունը 2022 թ. հունվար-հունիսին աճել է տարեկան 44 տոկոսով՝ մինչեւ 2.4 տրլն դրամ։ Դրա կառուցվածքում բարձր աճ է նկատվել ինչպես ներմուծման, այնպես էլ արտահանման մասով։ Մասնավորապես, արտահանման ծավալը տարեկան կտրվածքով աճել է 36.3 տոկոսով (մինչեւ 869 մլրդ դրամ), իսկ ներմուծմանը՝ 48.7 տոկոսով (մինչեւ 1.5 տրլն դրամ)։

Միայն 2022 թ. հունիսին արտաքին առեւտրաշրջանառությունն աճել է 20.2 տոկոսով։ Դա հնարավոր է դարձել արտահանման 38.2 տոկոս աճի շնորհիվ՝ ներմուծման ավելի համեստ 10.4 տոկոս աճի դիմաց։ Ընդ որում, 2022 թ. հունիսի համեմատ, արտաքին առեւտրաշրջանառության 71 տոկոս աճը մեծապես պայմանավորված է ներմուծման 73.1 տոկոս աճով եւ ավելի փոքր չափով՝ արտահանման 68.1 տոկոս աճով։

Մեկ տարի առաջ՝ 2021 թ. հունվար-հունիսին, արտաքին առեւտրաշրջանառությունն աճել է տարեկան 13.4 տոկոսով։ Դա տեղի է ունեցել արտահանման 23.3 տոկոս եւ ներմուծման 7.9 տոկոս աճի հաշվին։ Արտաքին ապրանքաշրջանառության հունիսյան 1.9 տոկոս աճի  պատճառն արտահանման աճի դինամիկան էր՝ 12.2 տոկոս, իսկ ներմուծումը կրճատվել է 4,5 տոկոսով։

Արտաքին ապրանքաշրջանառության ծավալում այս տարվա առաջին 6 ամիսներին, նախորդ տարվա նույն ժամանակահատվածի համեմատ, 44 տոկոս աճ է գրանցվել։ Ընդ որում, 2022-ի հունվար-հունիսին, նախորդ տարվա նույն ժամանակահատվածի համեմատ, արտահանումն աճել է 36.3 տոկոսով, իսկ ներմուծումը` 48.7 տոկոսով։ Հունվար-հունիսին ԱՄՆ դոլարի նկատմամբ դրամի փոխարժեքը կազմել է 468.24, իսկ հունիսի միջին փոխարժեքը տատանվում էր միջինում 407-408 դրամի սահմաններում։