Ճապոնական Suzuki Motor Corp-ի նախագահ Տոշիհիրո Սուզուկին հայտարարել է, որ ընկերությունը Հնդկաստանում նոր համաշխարհային հետազոտությունների եւ զարգացման ընկերություն կհիմնի ու կշարունակի մեծ ներդրումներ կատարել երկրում, հաղորդում է Reuters լրատվական գործակալությունը:
Նոր ընկերությունը, որն ամբողջությամբ պատկանում է Suzuki Japan-ին, կօգնի Suzuki-ին՝ ամրապնդել մրցունակությունը եւ հետազոտական ու զարգացման կարողությունները ոչ միայն Հնդկաստանի, այլ նաեւ համաշխարհային շուկաների համար, ասել է ընկերության գործադիր տնօրենը:
«Հնդկաստանը դարձել է Suzuki Group-ի ամենակարեւոր երկրներից մեկը»,- ասել է նա՝ հավելելով, որ ընկերությունը կշարունակի ակտիվ ներդրումներ կատարել երկրում:
Suzuki-ի համար Հնդկաստանը եկամտի եւ շահույթի առումով ամենամեծ շուկաներից մեկն է, եւ այստեղ ընկերութունը ներդրել է 8,13 միլիարդ դոլար: