Կոլումբիացի լրագրողներ Լեյներ Մոնթերոն եւ Դիլիա Կոնտրերասը երկրի հյուսիսի Մագդալենա դեպարտամենտում զոհվել են զինված հարձակման հետեւանքով, տեղեկացրել է Semana պարբերականը։

«Ֆունդասյոնի (Մագդալենա) իշխանությունները Semana-ին ասել են, որ խճուղում երկու լրագրող է մահացել։ Սանտա Ռոսա դե Լիմայում զինված մարդիկ զավթել են այն ավտոմեքենան, որով նրանք գնում էին»,- նշել է պարբերականը։

Մեքենայի եւս մեկ ուղեւոր վիրավորվել է։

Semana-ի տեղեկացմամբ՝ երկու տարի առաջ Լեյները սպառնալիքներ էր ստացել Ֆունդասյոնում, տեղի ազդեցիկ ընտանիքներից մեկից։ Նշվել է, որ իր հրապարակումների պատճառով նա դարձել էր քրեական գործերի ֆիգուրանտ։