Apple ընկերությունը վիրտուալ եւ լրացուցիչ իրականության սաղավարտների միանգամից երկու տարբերակ է մշակում, հայտնում է Bloomberg-ը։
Առաջինը սպասվում է այն սարքի թողարկումը, որը, ենթադրաբար, կկոչվի Reality Pro։ Այն կթողարկվի 2023 թվականին, կհամատեղի VR-ի եւ AR-ի գործառույթները, եւ դրա թիրախային լսարանը կլինեն ծրագրավորողները։ Սարքը բարձր գին կունենա:
Այնուհետեւ Apple-ը մտադիր է ներկայացնել մի բան, որը կլինի Reality Pro-ի պարզեցված տարբերակը։ Սպասվում է, որ մոդելը կստանա միայն AR գործառույթներ եւ կկոչվի Reality One։ Սա կլինի սկզբնական դասի սարք՝ համապատասխան գնով։
Apple-ն աշխատում է Reality Processor եւ Apple Optica կոչվող սարքերի վրա: Առաջին ապրանքանիշը նախատեսված է համապրոցեսորի համար, որը կմշակի բարձր ինտենսիվության VR եւ AR գրաֆիկա, իսկ երկրորդը՝ փոխարինելի ոսպնյակների համար, որոնք անհրաժեշտ են վատ տեսողությամբ մարդկանց՝ Reality Pro-ն եւ Reality One-ն օգտագործելու համար: