Անհրաժեշտ է հստակեցնել հայերեն ժեստերի լեզվով հեռարձակվող հեռուստահաղորդումների տեսակները՝ ենթագրերով։ Այս մասին հայտաարարեց «Քաղաքացիական պայմանագիր» խմբակցության պատգամավոր Զարուհի Բաթոյանը։
Դրանց ծավալը, ըստ նրա, պետք է մեծացնել։ Բացի այդ, օրենսդիրները պետք է հստակեցնեն կարգավորող պետական մարմնի լիազորությունները՝ կապված ժեստերի լեզվով թարգմանությամբ տեսալսողական տեղեկատվության ներկայացման նվազագույն տեխնիկական պահանջների եւ հետագա հեռարձակման ժամերի որոշման հետ: «Առաջարկվում է նաեւ արգելք սահմանել տեսալսողական ծրագրերի չարաշահման, այդ թվում՝ տարիքային, հաշմանդամության, անձնական եւ սոցիալական հատկանիշների հիման վրա խտրականություն տարածող կամ վերը նշված բոլոր տեղեկությունները պարունակող ծրագրերի չարաշահման համար»,- ասաց Բաթոյանը։
Հանրային հեռարձակողների համար անհրաժեշտ է նաեւ սահմանել հայերեն ենթագրերով եւ ժեստերի լեզվով թարգմանությամբ լրացուցիչ եւ պարտադիր հաղորդումների ցանկ։ Խոսքը, մասնավորապես, կրթական, առողջապահական, մշակութային եւ ժամանցային բնույթի ծրագրերի, ինչպես նաեւ պաշտոնական տեղեկատվության, արտակարգ դրության ժամանակ հատուկ խնդիրների եւ սոցիալական գովազդի մասին է։
Պատգամավորը նշեց, որ «Հայաստանի խուլերի միավորում» հասարակական կազմակերպության հայտարարությունը հիմք է դարձել այս օրենսդրական փաթեթի մշակման համար։
Համեմատաբար կարճ քննարկումից հետո օրենսդրական նախաձեռնությունը դրական եզրակացություն ստացավ խորհրդարանական հանձնաժողովի կողմից։