Եգիպտոսում 29-ամյա Ահմադ Ֆաթհի Ամեյրան սպանել է 19-ամյա աղջկան՝ իր հետ ամուսնանալուց հրաժարվելու համար։ Սիրեցյալին սպանելուց հետո տղամարդն ինքնասպան է եղել, հայտնում է Daily Mirror-ը։

Փեսան թփերի մեջ սպասել է Ամանի Աբդուլ-Քարիմ ալ-Կազարին եւ կրակել նրա վրա։ Մինչ սպանություն կատարելը տղամարդը հոլովակ է տեսագրել՝ նա իրեն հանցագործ է անվանել՝ ասելով, որ ապրում է այս աղջկա համար եւ այժմ ցանկանում է վրեժ լուծել նրանից։

Վիրավոր աղջկան գտել են գյուղական ճանապարհին, նրան հոսպիտալացրել են, սակայն նրա կյանքը փրկել չի հաջողվել։