Օգոստոսի 18–ին Էջմիածին քաղաքում տեղի ունեցած սպանության գործով կա ձերբակալված անձ։ Տեղեկությունը NEWS.am-ի հետ զրույցում հաստատեց Քննչական կոմիտեի մամուլի քարտուղար Վարդան Թադեւոսյանը՝ այլ մանրամասներ չհաղորդելով։
Հիշեցնենք, որ օգոստոսի 18-ին, Ժամը 21:40-ի սահմանում, ոստիկանության Վաղարշապատի բաժին եւ Արտակարգ իրավիճակների նախարարության փրկարար ծառայության 911 ճգնաժամային կառավարման կենտրոն ահազանգ էր ստացվել, որ Էջմիածին քաղաքի Կնունյանց փողոցում ավտոմեքենաներ են բախվել:
Նշված վայրից 2 հոգու հրազենային վնասվածքներով տեղափոխել էին «Վաղարշապատ» բժշկական կենտրոն:
Ոստիկանները նշված վայրում հայտնաբերել էին մի քանի ավտոմեքենաներ, որոնցից մեկի վրա առկա են եղել կրակոցի բազմաթիվ հետքեր։ Ոստիկանները օպերատիվ տեղեկություններ էին ստացել, որ այդ մեքենայի վրա կրակոցներ էին արձակել Էջմիածին քաղաքի Աբովյան փողոցում, իսկ մեքենայի վարորդը վիրավոր վիճակում մեքենան վարել է հիվանդանոցի ուղղությամբ, որտեղ էլ տեղի է ունեցել վթարը:
Վիրավորներից մեկը, սակայն, գիտակցության չգալով, մահացել էր: Փաստի առթիվ քննչական բաժնում նախաձեռնվել էր քրեական վարույթ: Նախաքննությունը շարունակվում է։
Նախաձեռնվել է քրեական վարույթ Էջմիածնում տեղի ունեցած սպանության դեպքի առթիվ