News
Լրահոս
News
Հինգշաբթի
Մարտ 28
Տեսնել լրահոսը

«Իսլամական պետություն» խմբավորման ստորաբաժանման զինյալներն այս շաբաթ Մալիում մոտ 30 խաղաղ բնակչի են սպանել՝ Բուրկինա Ֆասոյին եւ Նիգերին սահմանակից քաղաքներից մեկի վրա հարձակման հետեւանքով, հայտնում է Reuters-ը՝ վկայակոչելով կառավարամետ աշխարհազորայինների կոալիցիային:

Կոալիցիան, որը հայտնի է որպես «Պլատֆորմ», հայտարարել է, որ մի քանի հարյուր գրոհայիններ հարձակվել են իր զինվորների վրա եւ ստիպել նրանց նահանջել երեքշաբթի օրը Գաո շրջանում՝ Թալաթայեի մոտ, որը վաղուց ջիհադիստների եւ աշխարհազորայինների բռնությունների թեժ կետ է:

Բացի տեղի բնակիչների վրա հարձակվելուց, գրոհայինները թալանել են խանութները եւ այրել սննդի պաշարները, տեղեկացնում է «Պլատֆորմ»-ի առցանց հայտարարությունը՝ հավելելով, որ իրենց երեք մարտիկները նույնպես սպանվել են:

««Պլատֆորմ»-ի կողմից ուղարկված ուժերը հասել են քաղաք», որտեղ հայտնաբերել են կոտորածը, ինչպես նաեւ հարյուրավոր կանանց եւ երեխաների, որոնք երկու օր շարունակ թափառել են քաղաքում առանց սննդի»,- ասվում է հայտարարության մեջ։

Ենթադրյալ հարձակման համար պատասխանատվության հայտարարություն դեռեւս չի եղել:

Մարտին Մալիում ՄԱԿ-ի խաղաղապահ ուժերը մտահոգություն են հայտնել կենտրոնական Մալիի նույն տարածքում անվտանգության իրավիճակի վատթարացման կապակցությամբ՝ հայտարարելով, որ հարյուրավոր խաղաղ բնակիչներ են զոհվել «Իսլամական պետության» ստորաբաժանման կողմից իրականացվող հարձակումների ժամանակ:

Մալիում անկայունություն է տիրում 2012 թվականից, երբ իսլամիստները ճնշեցին երկրի հյուսիսում էթնիկ տուարեգների ապստամբությունը: Այդ ժամանակվանից դրանք տարածվել են արեւմտաաֆրիկյան Սահալում` սպանելով հազարավոր մարդկանց եւ բռնի տեղահանելով ավելի քան 2 միլիոն մարդու Մալիում, Բուրկինա Ֆասոյում եւ Նիգերում:

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ՄԱԿ-ում կարծում են, որ ահաբեկչության դեմ պետք է պայքարել միայն միասին
Ահաբեկչության դեմ պետք է պայքարել միասին...
ՌԴ անվտանգության ուժերը Դոնի Ռոստովում ձերբակալել են «Ալյա-Այաթ» ծայրահեղական խմբի առաջնորդին և անդամներին
Ծայրահեղական կառույցի հանցավոր գործունեությունը համակարգվում էր դրսից, ֆինանսական հոսքեր են...
Էրդողան. Մեր դռները փակ են ահաբեկիչների համար
Մենք վերացրեցինք այս սպառնալիքը մեր ապրած ընդհանուր ցավից հետո...
Փարիզի մոտ 20 դպրոցներ ռումբի սպառնալիքով տեսահաղորդագրություններ են ստացել. Le Parisien
Ըստ նրա աղբյուրների՝ սպառնալիքների են բախվել Փարիզի 12-րդ, 14-րդ, 15-րդ և 19-րդ շրջանների ուսումնական...
Ոստիկանության Նոր Նորքի բաժնում ահաբեկչության վերաբերյալ վարույթով երեք անձանցից երկուսը կալանավորվել են
ՀՀ քննչական կոմիտեն արդեն տեղեկացրել է, որ 2024թ. մարտի 24-ին ՀՀ ՆԳՆ…
Պակիստանում մահապարտ ահաբեկչի հարձակումից հինգ չինացի ինժեներ է զոհվել
Հարձակման պատասխանատվությունը ոչ ոք չի ստանձնել․․․
Ամենաշատ