Թուրքիան iPhone 14 մոդելների ամենաբարձր գնի ռեկորդ է սահմանել։ Ըստ nukeni պորտալի՝ Թուրքիայում հասանելի ամենաէժան մոդելն արժե 30999 թուրքական լիրա կամ 1700 դոլար։

Թուրքիայից հետո երկրորդ տեղում է Բրազիլիան՝ 1459 դոլարից սկսած։ Մինչդեռ Հունգարիան 1134 դոլարով առաջ է անցել Շվեդիայից եւ զբաղեցրել երրորդ տեղը:

Թուրքիայում ամենաէժան iPhone 14-ները վաճառվում են 829 դոլարով, մինչդեր ԱՄԷ-ում՝ 925 դոլարից սկսած։

2021-ին, երբ Apple-ը թողարկեց իր iPhone 13 մոդելները, Բրազիլիան աշխարհի առաջատարն էր սովորական մոդելների գներով, մինչդեռ Թուրքիան առաջատար էր Mini, Pro եւ Pro Max կատեգորիաներում։

Գների կտրուկ տարբերություններ առաջանում են հարկերի պատճառով։ Թուրքիան աշխարհի ամենահավակնոտ երկրներից մեկն է, երբ խոսքն անուղղակի հարկերի հավաքման մասին է։

Հուլիսի 1-ից Թուրքիայի կառավարությունը 30 տոկոսով բարձրացրել էր երկրի նվազագույն ամսական աշխատավարձը՝ հասցնելով 5500 թուրքական լիրայի (302 դոլար):

Թուրքիայի աշխատուժի մոտ կեսը նվազագույն աշխատավարձ է ստանում։ Շարքային թուրքը կարող է iPhone 14 գնել վեց ամսում, եթե իր աշխատավարձն այլ բաների վրա չծախսի։