Հայաստանը կվավերացնի Եվրասիական տնտեսական միության անդամ պետությունների՝ մաքսատուրքերից ստացված եկամուտների բաշխման վերահսկողության մասին համաձայնագիրը։ Այս մասին սեպտեմբերի 12-ին Ազգային ժողովի նիստին համապատասխան համաձայնագրի քննարկման ժամանակ ասաց ՀՀ ֆինանսների փոխնախարար Արման Պողոսյանը։
Փաստաթուղթը, ըստ նրա,վերահսկողություն է նախատեսում՝ արդյոք երկրները ճիշտ են բաշխում մաքսատուրքերից եկամուտները միմյանց միջեւ՝ ԵԱՏՄ անդամ երկրների միջպետական համաձայնագրով գործող բաշխման համաձայն։
Ամեն տարի ԵԱՏՄ-ում նախագահող երկիրը պետք է հաստատի վերահսկողության միջոցառումների պլանը, որն իր հերթին կառաջարկվեն անդամ երկրների կողմից։ Ընդ որում, դրանք իրականացնել ստիպված կլինեն իրենց կառավարությունների ֆինանսական իշխանությունները։
«Խախտումների հայտնաբերման դեպքում երկրները միմյանց կտեղեկացնեն դրանց մասին եւ վերահաշվարկ կիրականացնեն»,- պարզաբանեց փոխնախարարը։