Առնվազն յոթ մարդ զոհվել, տասնյակ մարդիկ տարբեր վնասվածքներ են ստացել մեքսիկական Միչոական նահանգում տեղի ունեցած ճանապարհատրանսպորտային պատահարից, տեղեկացրել է շրջանի ոստիկանությունը։
«Բախվել են մի քանի մասնավոր եւ բեռնատար ավտոմեքենաներ Siglo XXI խճուղում, Տարետան-Սանտա Կասիլդա ճանապարհի 108-րդ կիլոմետրում։ Նախնական տեղեկություններով՝ 7 մարդ զոհվել է, 10 հոգի տարբեր վնասվածքներ է ստացել»,- նշվել է ոստիկանության թվիթերյան հաղորդագրությունում։
Տեղի լրատվամիջոցների տեղեկացմամբ՝ վթարի մեղավորը երեք տուժած բեռնատարներից մեկն էր, որը մեծ արագությամբ անցել էր հանդիպակաց գիծ եւ բախվել այլ մեքենաների։