Նոր Զելանդիայում կետը շրջել է 11 հոգանոց նավակը եւ սպանել նրանցից հինգին, տեղեկացրել է New York Post-ը։
Պատահարի ենթարկված մարդիկ Վայրի բնության լուսանկարիչների նորզելանդական ընկերության անդամներ էին։ Նրանք վարձել էին տասը մետրանոց զբոսանավ եւ շաբաթ՝ սեպտեմբերի 10-ին դուրս եկել օվկիանոս նորզելանդական Հարավային կղզու արեւելյան ափին գտնվող Կաիկոուրա քաղաքից։ Հայտնի է, որ ընկերության անդամները պատրաստվում էին զբաղվել թռչուններին լուսանկարելով։ Շրջագայությունը պետք է տեւեր երեք ժամ։
Ինչ-որ պահի նրանց նավակը շրջվել է, ինչի հետեւանքով զոհվել է նավարկության հինգ մասնակից։ Հայտնի է, որ պատահարի պահին եղանակը լավ էր, իսկ օվկիանոսը՝ հանգիստ։ Զոհվածներին հանել են նավի ստորին մասից։ Ըստ երեւույթին, նրանք չէին կարողացել դուրս գալ նավից եւ խեղդվել էին։
Տրանսպորտային պատահարների հետաքննության հանձնաժողովը դեռեւս պարզում է միջադեպի հանգամանքները։
