Չնայած ներկա թեժացմանը՝ խաղաղության պայմանագրի պատրաստման աշխատանքը Երեւանի եւ Բաքվի միջեւ չի դադարել։ Այս մասին ամենշաբաթյա ճեպազրույցում ասել է ՌԴ ԱԳՆ-ի պաշտոնական ներկայացուցիչ Մարիա Զախարովան։
«Սա է գլխավոր առաջնահերթությունը։ Ռուսական կողմը ցուցաբերում է անհրաժեշտ օգնություն։ ԵԱՀԿ Մինսկի խմբի Ռուսաստանի համանախագահ, ՌԴ ԱԳՆ-ի հայ-ադրբեջանական կարգավորման հարցերի հատուկ ներկայացուցիչ Իգոր Խովաեւը սեպտեմբերի 8-9-ին այցելել է Բաքու եւ սեպտեմբերի 13-14-ին՝ Երեւան»,- ասել է Զախարովան։
Նա նշել է, որ քննարկման հիմնական թեման խաղաղության պայմանագրի նախագծի քննարկումն էր։ Ռուսաստանը ձգտում է մոտեցնել կողմերի դիրքորոշումները, ընդգծել է ՌԴ ԱԳՆ-ի պաշտոնական ներկայացուցիչը։ Նա հավաստիացրել է, որ համապատասխան ջանքերը կշարունակվեն, եւ հիշեցրել է, որ տարածաշրջանում կարգավորման հիմք են մնում Ռուսաստանի, Հայաստանի եւ Ադրբեջանի ղեկավարների եռակողմ պայմանավորվածությունները։
