Մեքսիկայի իշխանությունները ձերբակալել են պահեստի գեներալի եւ երեք զինծառայողի, նրանք կասկածվում են Մեքսիկայի հարավում 2014թ. 43 ուսանողի անհետացման մեջ, տեղեկացրել է կառավարությունը։
Հանրային անվտանգության նախարարի օգնական Ռիկարդո Մեխիան տեղեկացրել է, որ ձերբակալվածների մեջ էր նախկին մի սպա, որը Գերերո նահանգի Իգուալա քաղաքում գտնվող բանակային ռազմակայանի հրամանատարն էր 2014թ. սեպտեմբերին, երբ առեւանգվել էին մանկավարժական քոլեջի ուսանողները, տեղեկացրել է ABC News-ը։
Մեխիան չի նշել ձերբակալվածների անունները, բայց Իգուալայում ռազմակայանի հրամանատարն այն ժամանակ գնդապետ Խոսե Ռոդրիգես Պերեսն էր։ Ուսանողների անհետանալուց եւ այն բանից մեկ տարի հետո, երբ անհետացած ուսանողների ընտանիքներն արդեն կասկածներ ունեին, որ հանցագործությանը մասնակից են զինվորականները, Ռոդրիգեսը ստացել է բիգադի գեներալի կոչում։
Կառավարության պաշտոնյան հաստատել է, որ Ռոդրիգեսը ձերբակալվել է, եւ ասել է, որ նրան պահում են ռազմակայանում։ Մյուս ձերբակալվածների մասին աղբյուրը միայն տեղեկացրել է, որ երկուսը սպա են, երրորդը՝ շարքային։