News
Լրահոս
News
Ուրբաթ
Դեկտեմբեր 02
USD
395.53
EUR
393.43
RUB
6.42
Տեսնել լրահոսը

Առաջատար տեխնոլոգիաների ձեռնարկությունների միությունը (ԱՏՁՄ) սեպտեմբերի 30-ից հոկտեմբերի 2-ը նախատեսում է Կարեն Դեմիրճյանի անվան մարզահամերգային համալիրում իրականացնել տարածաշրջանում ոլորտային ամենածավալուն «ԴիջիԹեք 2022» միջոցառումը, որի ընթացքում միաժամանակ կընթանան DigiTec 2022 ամենամյա տեխնոլոգիական ցուցահանդեսը և DigiTec Summit միջազգային վեհաժողովը:

Հայտարարությունը հետևյալն է.

«Հաշվի առնելով Հայաստանում ստեղծված իրավիճակը, դրանով պայմանավորված առանձնահատկությունները, առաջիկա օրերին իրավիճակի կայունացման անկանխատեսելիությունը, ինչպես նաև մեր անդամներից և մասնակիցներից ստացված արձագանքները՝ ԱՏՁՄ-ն ստիպված է եղել որոշում ընդունել հետաձգելու ԴիջիԹեք վեհաժողովի և ցուցահանդեսի անցկացումը։

Բոլոր պայմանագրերն ու ծրագրերը մնում են ուժի մեջ՝ նոր ժամկետում, որի մասին լրացուցիչ կտեղեկացնենք միջոցառումից առնվազն 4 շաբաթ առաջ։ Գիտակցում ենք ստեղծված անհարմարությունը հատկապես մասնակից կազմակերպությունների համար, սակայն համոզված ենք, որ բոլորը կիսում են մեր մտահոգությունն ու այն համարում հիմնավորված։

Առանձնահատուկ կերպով ուզում ենք նշել, որ մեր երկրի առջև կանգնած մարտահրավերների հաղթահարման ճանապարհը ուժեղ արդյունաբերություն ունենալն է, ինչին էլ 2005 թ.-ից ի վեր ծառայում է ԴիջիԹեք ցուցահանդեսը։ Ուստի հաստատակամ ենք այն պարտադիր անցկացնելու որոշման մեջ՝ իրավիճակի կայունացումից և համապատասխան միջավայրի վերականգնումից անմիջապես հետո»։

Հիշեցնենք, որ շուրջ երկու տասնյակ տարի DigiTec-ը Հայաստանի և մասնավորապես Երևան քաղաքի այցեքարտային տեխնոլոգիական միջոցառումն է, որով փորձ է արվում Հայաստանը միջազգային շուկայում դիրքավորել որպես առաջատար տեխնոլոգիական երկիր։ Միաժամանակ այն հարթակ է ՀՀ տեխնոլոգիական և հարակից ոլորտների ընկերությունների համար՝ ներկայացնելու իրենց առաջընթացն ու ստեղծարար լուծումները, ինչպես նաև մեկ հարկի տակ օրակարգ բերելու տնտեսության զարգացմանն ուղղված նոր տեսլականներ։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ադրբեջանը սանձազերծեց  ոչնչով չհրահրված ագրեսիա՝ գրավելով Հայաստանի ինքնիշխան տարածքի 140 քառ. կմ. Միրզոյանի ելույթը
Մենք ցանկանում ենք մեր երախտագիտությունը հայտնել այն գործընկերներին, ովքեր չեն խուսափում մատնանշել ագրեսորին և բարձրաձայնում…
Կիպրոս, Սիրիա, Հայաստան. ՆԱՏՕ-ի լռությունը խրախուսում է Թուրքիային նոր հանցագործություններ կատարել
Թուրքիան պետք է գտնվի նոր աշխարհակարգի կենտրոնում, կարծում է այդ երկրի ղեկավարը...
Վերջին շրջանում չդադարող սահմանային սադրանքներն Ադրբեջանի ԶՈՒ կողմից նոր ագրեսիաների մեծ վտանգ են պարունակում. Միրզոյան
Դեկտեմբերի 1-ին Լոձում ԵԱՀԿ նախարարական 29-րդ համաժողովի շրջանակներում Հայաստանի ԱԳ նախարար Արարատ Միրզոյանը հանդիպում է ունեցել Հունաստանի ԱԳ նախարար Նիկոս Դենդիասի հետ…
ԵԱՀԿ ՄԽ կազմալուծման հարցով պետք է դիմել ԱՄՆ-ին, Ֆրանսիային եւ Ադրբեջանին․ Լավրով
Այժմ ե՛ւ ֆրանսիացիները, ե՛ւ ամերիկացիները, ե՛ւ Եվրամիությունը  փորձում են փոխհատուցել․․․
Թշնամու ագրեսիայից Ջերմուկին հասցված վնասը կազմել է շուրջ 30 տոկոս․ Վայոց Ձորի մարզպետ     
Նա հայտնեց, որ քննարկվում են հյուրանոցային բիզնեսին աջակցելու ծրագրերը․․․
Ցանկացած պահի կարող է սպառնալիք առաջանալ․ Վայոց ձորի մարզպետ
Ադրբեջանական կողմը ինժեներական աշխատաքններ է իրականացնում․․․
Ամենաշատ